HESEKÊ:XWECIHIYÊN HESEKÊ YÊN BI SER ENKSÊ VE PÊŞWAZIYA METRANÊ CEZÎRÊ Û FIRATÊ LI SÛRIYÊ KIRIN.
Roja Şemiyê 8.11.2025,xwecihiyên Hesekê yên Encûmena Niştimanî ya Kurd li Sûriyê pêşwaziya birêz Mûrîs Amsîh metranê Cezîrê û Firatê li Sûriyê kir.Ev serdan jî jibo pîrozbahiya ofîsa ENKSê ya nû li bajarê Hesekê.
Rêzdar Mar Mûrîs Amsîh ji aliyê hejmarek ji endamên Encûmenê û çalakiyên wê ve hat pêşwazîkirin û pêzanînên xwe yên ji bo vê serdanê nîşan dan û ev serdan bi giyana biratî û jiyana hevbeş di navbera pêkhateyên cuda yên bajêr de dîtin.
Di hevdîtinê de rewşa giştî ya li Sûriyê, bi taybet li herêma Cezîrê hate gotûbêjkirin û her du aliyan nêrînên xwe li ser rastiya siyasî û civakî ya herêmê di bin şert û mercên heyî de parve kirin.
Her du aliyan tekezî li ser giringiya pêşxistina nirxên biratî û pêkvejiyanê di navbera hemû pêkhateyên neteweyî û olî de kirin, ji ber ku ew stûnên bingehîn in ji bo parastina aramî û aştiya medenî û rûbirûbûna hewlên cudabûnê di navbera endamên yek civakê de
Di dawiya civînê de nûnerên Encûmena Niştimanî ya Kurdî spasiya Metran Mar Morîs Amsîh kirin ji bo serdana wî û helwestên wî yên ji bo piştevanîkirina çanda têgihîştinê û hevkariyê, û tekez kirin ku bajarê Hesekê dê bibe nimûneya cihêrengî û rêzgirtina hevbeş di navbera pêkhateyan de.
Ragihandina ENKSê
Raport:Elî Fetah..
