HESEKÊ:ŞANDEKE JI XWECIHIYA ROJHILAT YA HESEKÊ YA BI SER “ENKS” VE SERDANA OFÎSA “PYDKS” KIR .
Xwecihiya Rojhilat ya Hesekê ya bi ser ENKSê ve,bi serokatiya mamoste Ebdurihman Ebtan serokê xwecihiyê,di roja Sêşemê 4.11.2025an de, serdana ofîsa Partiya Yekîtiya Demuqrata Kurdistanî Sûriya li bajarê Hesekê kir.
Her wiha Şande ji aliyê xanim Fesla Yûsif sekretera Partiya Yekitiya Demokrat a Kurdistanî bi amadebûna hejmarek ji endamên wê partiyê,ve li ofîsa partiyê li bajarê Hesekê hate pêşwazî kirin.
Di hevdîtinê de, behsa rewşa giştî ya li Sûriyê û rewşa gelê Kurd bi taybetî hate kirin, her wiha behsa encamên konferansa yekrêzî û yekhelwesta Kurdî û şandeya hevbeş a ji wê derketiye hate kirin û her du aliyan tekezî li ser pêwîstiya pêkanîna encamên konferansê kirin.
Herdu aliyan li ser rastiya rêxistinî ya Encûmena Niştimanî ya Kurdî û mekanîzmaya pêşxistina wê sekinîn, her wiha amadekariyên ku ji bo lidarxistina konferansa pêncemîn a Encûmena Niştimanî ya Kurdî têne kirin gotûbêj kirin.
Di dawiya hevdîtinê de, tekezî li ser berdewamiya diyalogê û berfirehkirina hevkariyên di navbera pêkhateyên Encûmenê de ji bo xizmetkirina doza Kurd li Sûriyê hate kirin.Her wiha di hevdîtinê de, komek destwerdan, pêşniyar û nêrînên avaker hatin pêşkêş kirin.
Ragihandina ENKSê
Raport: Elî Fetah