XWECIHIYA AMÛDÊ CIVÎNA XWE YA ASAYÎ LI DAR XISTIN .
Encûmena xwecihî ya bajarê Amûdê ya bi ser ENKSê ve, li navenda xwe roja Şemiyê 27/9/2025 an,bi beşdarbûna serokê ofîsa karûbarê encûmenên xwecihî yên bi ser ENKSê ve, mamoste, Neşet Zaza û birêz Mahmûd Hac Elî endamê ofîsê civîna xwe ya asayî lidarxist.
Di destpêkê de,hemû endam hatin bixêrhatin ji aliyê birêz Bengîn Teter serokê xwecihiyê û piştre xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hat wergirtin hate nîqaşkirin.
Her wiha tekezî li ser pabendbûna bi civatên asayî û hemû çalakiyan hate kirin.
Li ser rewşa siyasî,mamoste Neşet Zaza pêşkêşek li ser nûtirîn nûçeyên li ser qada Sûriyê bi giştî, û ya Kurdî bi taybetî pêşkêş kir, û tekez li ser girîngiya yekitiya rêzê û helwesta Kurdan kir, û pêwîstî bi pêkanîna encamên konferansê 26ê Nîsanê, ku mafên gelê Kurd di destûra nû ya Sûrî de bicih bikin.
Ji aliyê xwe ve, mamoste, Mehmûd Hac Elî bal kişand ser girîngiya aktîvkirina rola Encûmenên xwecihî û berfirehkirina çalakiyên wan di civakê de, da ku hebûna Encûmena Niştimanî ya Kurdî wek çarçoveya komî ya ku hêviyên gelê Kurd nîşan dide, were pêşxistin.
Di dawiya civînê de, deriyê nîqaş û pirsên vekirî hate vekirin, û pirsên beşdaran bi awayekî germ hatin bersivandin.
Ragihandina ENKSê
Raport:Elî Fetah
