NAVEROKA CIVÎNA XWECIHIYA BARZANIYÊ NEMIR(TIL TEMIR) YA BI SER ENKSÊ VE..
Xwecihiya Barzaniyê Nemir ya bi ser ENKSê ve,li bajarê Til Temir civîna xwe ya asayî di roja Çarşemê 27/8/2025an de lidarxistin.
Di destpêkê de, kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê nemir rawestiyan.Û piştre lîsta kar gengeşe kirin.
Piştre di civînê de giringtirîn xalên rojeva kar di rewşa rêxistinî û siyasî de hatin gotûbêjkirin
Rewşa rêxistinî: Rapora ku ji Ofîsa Karûbarên Encumena Xwecihî ya Encûmena Niştimanî ya Kurd li Sûriyê wergirtibû hat xwendin
û naveroka wê jî, hate nîqaşkirin.
Di mijara siyasî de behsa bûyerên ku li herêmê bi giştî û li herêmên me bi taybetî diqewimin û behsa bûyerên herî girîng ên ku li Sûriyeyê qewimîn û niha diqewimin, di nav de rewşa Siwêda, bi taybet piştî ku Dirziya daxwazên xwe yên ji bo veqetînê bilind kirin.
Her wiha di civînê de behsa destwerdana Tirkiyeyê ya gelek neyînî di pirsa Sûriyê de û hewldanên wan ên zextê li hikûmeta demkî ya Sûriyê bikin da ku daxwazên pêkhateyên Sûriyê,misoger neke nav de Kurd .
Ragihandina ENKSê
Raport:Elî Fetah
