XWECIHIYA DIRBÊSIYÊ CIVÎNA XWE YA ASAYÎ LI DAR XISTIN .
Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Şemiyê 23.8.2025an de, civîna xwe ya asayî lidarxist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Di aliyê siyasî de,Xwecihî li ser nûtirîn pêşketinên li ser asta herêmî,xwecihî û navneteweyî nîqaş kir û li ser binpêkirinên li herêmê û bandorên wan li ser rastiya kurdî li Sûriyê rawestiya.
Her wiha Endamên civînê li ser konferansa ku ji aliyê Rêveberiya Xweser ve li parêzgeha Heskêta hate lidarxistin û li ser lidarxistina konferansa Encûmena Niştimanî ya Kurdî li Sûriyê bi dirêjî gotûbêj kirin.
Ragihandina ENKSê
Raport:Elî Fetah
