XWECIHIYA AMÛDÊ CIVÎNA XWE YA ASAYÎ LI DAR XISTIN SEROK Û DU CÎGIRÊN WÎ HILBIJARTIN.
Encûmena xwecihî ya bajarê Amûdê ya bi ser ENKSê ve, li navenda xwe roja Şemiyê 23/8/2025 an, civîna xwe ya asayî lidarxist.
Di destpêkê de,hemû endam hatin bixêrhatin û piştre xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hat wergirtin hate nîqaşkirin.
Her wiha tekezî li ser pabendbûna bi civatên asayî û hemû çalakiyan hate kirin.
Di aliyê siyasî de,Xwecihî li ser nûtirîn pêşketinên li ser asta herêmî,xwecihî û navneteweyî nîqaş kir û li ser binpêkirinên li herêmê û bandorên wan li ser rastiya kurdî li Sûriyê rawestiya.
Her wiha serokatiya nû ji bo encûmena xwecihî hate hilbijartin, ku her birêz.Bengîn Teter wek serokê encûmena xwecihî li Amûdê,û Ebdurezaq Hac Qasim û Hindiya Mihemed Salih Yûsif wek cîgirên wî hatin hilbijartin.
Endaman di dawiya civînê de tekezî li ser girîngiya aktîvkirina rola xwecihiyê û xurtkirina têkiliyên bi civakê û saziyên têkildar re kirin da ku xizmeta doza gelê Kurd û mafên wan ên rewa bikin.
Ragihandina ENKSê
Raport:Elî Fetah
