Laziqiyê .. agirê daristanên Laziqiyê berdewame..
Ev Çar rojin agir û Şewata daristanan li deverên cude yên Sûriyê berdewame û metirsiya wê ser jiyana xelkê heye .
Şewata daristanan li navçeyên cuda yên Sûriyê berdewam e û ev yek metirsiyê ser jiyana welatiyan dike ku agir bigihêje malên wan , ku ev çar rojin agir berdewam e , îro roja yekşemê 6 ê Tîrmehê li Laziqiyê agir bi daristanan ket.
Û di vê derbarê de tîmên berevaniya sivîl a Sûriyê û tîmên agirkûj xebata xwe ji bo vemirandina agir de berdewamin.
Û herwiha li gorî Berevaniya Sivîl a Sûriyê ragihandiye ku derdora 5 hezar hiktarî şewitîne.
Û ji aliyekî din ve jî Teqîna paşmayên şer bandorê li hewilên vemirandina agir dike.
Û ji ber bihêzbûna agir dewletên cîran weku Urdin û Tirmiyê alîkarî gihandin û beşdariyê di Operasiyonên vemirandina agir de dikin.
Û tê zanîn ku roja Duşemê, 30ê Hezîranê, 32 agir bi zeviyan ket ku 23 ji wan daristan bûn, ku rêjeya herî mezin a wan şewatan li parêzgeha Laziqiyê bû, û 17 agirên daristanan li van deveran (Wadî Basûr, ku agirê herî mezin e, Şelaf, Kefrte, Îstamo, derdora Ceblê, Rîhaniye, Meşrefiye, Ruweysê Hecal, Eyn Elban, Hemîm, Ras El Eyn, Qencer, Daxmeşliye, Reqîq, Eydo, Bseysîn û Lîwaya 107an) çêbûn.
Û Tîmên agirkûjiyê yên parastina sivîl a Sûriyê, û tîmên agirkûjiyê yên çandiniyê ji bo vemirandina agir xebata xwe kirin.
Herwiha di heman demê de li Tertusê du agir li gundên Neqîb û Xenimiye, û du agirên din li gundewarê Hema li ser rêya di navbera gundê Qebr Fida û gundê Resif de çêbûn, û tîman heta duh xebata xwe berdewam kirin.
Û ji aliyekî din ve ku ev agir û şewata daristanan metirsiyê li ser jiyana welatiyên sivîl dike , ku Agir bi otomobîl, xanî û dikanên sivîlan di nav xwe de girtin.
Û Tîmên berevaniya sivîl a Sûriyê û tîmên agirkujiyê ji bo vemirandina agir de karê xwe berdewam dikin.
Ragihandina ENKSê
Qamişlo
