Her sal di 20ê heyva Êlûnê de,li Kurdistana Sûriye li bajarê Serê Kaniyê salvegera koçkirina pakrewan Mehmûd Walî bavê Candî ji hêla encûmena xwecihî ya bajarê Serê Kaniyê dihat vejandin. Lê mixabin ev sê sal bûye hevalên Pakrewan Mahmûd Walî nikarîbûn serdana gora wî bikin , Ji ber ku Tirkiya û komên Çekdar yên bi ser wê ve,Serê Kaniyê dagîr kirine.
Lê pakrewan Mahmûd Walî,wê tim di bîranîna hevalên xwe de be, bi taybet hevalên wî yên ku baweriya xwe bi piroja neteweyî a Kurdî tînin.
Hêja ye gotinê ku pakrewan Mahmûd Walî ji kesayetên navdar û Xwedî bandor bû ji destpêka şoreşa Sûriya ve.
Herwiha pakrewan Mahmûd Walî kar di endamiya emendariya giştî ya ENKSê de kir ,herwiha serokatiya tevgera ciwanên şoreşê dikir , û endamê komîta herêmî ya partiya Azadî Kurdî bû.
Di hemû pêşandanan de dengê bavê Candî Bilind û Zelalmend bû ji bo parastina mafê gelê kurd û hemû pêkhatiyên gelê Sûriye.
Wek tê zanîn ku pakrewan Mehmûd Walî bavê Candî yê ku bi xayintî di 20.9.2012an de,li ber navenda Encûmena Xwecihî ya Serê Kaniyê ya bi ser ENKSê ve hate terorkirin.
Ragihandina ENKSê
Raport:Elî Fetah
