ŞANDEKE PARTIYA AZADÎ YA KURDISTANÎ – TIRKIYA SERDANA NÛNERTIYA HERÊMA KURDISTANÊ YA ENKSê kir..

Îro di roja dûşemê 19.9.2022an de, Nûnertiya Herêma Kurdistanê ya Encûmena Niştimanî ya Kurd li Sûriyê li bajarê Hewlêrê, paytexta Herêma Kurdistanê pêşwaziya şandeke Partiya Azadî ya Kurdistanî – Tirkiyê kir.

Şande ji: – Serokê Partiyê birêz Mustefa Ozcilîk û Alîkarê Serokê Partiyê Orhan Kaya pêk dihat.

Her wiha Piştî ku şande ji aliyê serok û endamên nûnertiyê ve, hatin pêşwazîkirin, birêz Mustefa Ozcilîk li ser dîroka Partiya Azadî û zagonên partiyan li Tirkiyê axivî.

Her wiha bi berfirehî li ser hewlên partiyên Kurdistana Tirkiyê ji bo avakirina eniyeke kurdî ji partiyên kurdî li Tirkiyê axivî.

Got jî: hikûmeta Tirkiyê bi berdewamî hewl dide dengê partîyên niştimanî yên Kurd bifetisîne, ji ber ku heta niha hebûna gelê Kurd li Tirkîyê pênas nake û peyva Kurdistanê red dike.

Ozcilîk bal kişand ser polîtîkaya şaş a HDPê ya ku nikare ji bin kirasê PKKê derkeve û her tim dixwaze îmkanên gelê Kurd ber bi rêyên çewt ve biçe.

Û wî hêvî kir ku pêwendiyan di navbera partiyên kurdî yên çar parçeyan de hebe.

Her wiha Piştî wê Dr.Kawa Azîzî behsa rewşa trajîdî ya gelê Kurd li Sûriyê û guhertinên demografîk û koçberkirina wan kir, ku gihiştiye sînorên metirsîdar.

Û Azîzî, amaje bi siyaseta navdewletî kir ku ne eleqedar e bi karesata gelê Sûriyê û astengiyên cidî yên li pêşiya danûstandinên Cinêvê di navbera rêjîm û opozisyonê de di bin çavdêriya Netewên Yekbûyî de.

Wî amaje bi destwerdana eşkere ya PKKê di karûbarên Kurdistana Sûriyê de û arastekirina siyaseta Rêveberiya Xweser li gor îradeya ajandayên navdewletî kir û amaje bi wê yekê jî kir ku PYDê jî di bin bandora PKKê de ye û siyaseta xwe li Sûriyê cîbicî dike. ku weke metirsî li ser pêşeroja doza Kurd li Sûriyê tê dîtin.

Di encamnameyê de, her du alî tekezî li ser handankirina peywendiyên Kurdistanî û berdewamiya peywendiyên du alî di navbera her du aliyan de kirin.

Ragihandina ENKSê

Raport:Elî Fetah