SILÊMAN OSO LI SER BIRYARA PYDê YA GIRTINA DIBISTANÊN TAYBET WIHA GOT:”PERWERDE MIJAREKE BINGEHÎN Û NAKOK BÛ DI NAVBERA ENKSê Û PYDê DE DI DANÛSTANDINAN DE.
Di vê derbarê de Sekreterê Partiya Yekîtî Kurdistanî – Sûriye û endamê desteya serokatiya Encûmena Niştimanî ya Kurd Silêman Oso, di daxuyaniyekê de ku li ser rûpela xwe ya taybet li ser Fêyisbokê belav kir got:
“Perwerde mijareke bingehîn û nakok bû di navbera Encumena Niştimanî ya Kurdî û PYDê di danûstandinan de, û em hîn xwepêşandana xwendekaran li Dirbêsiyê bi bîr tînin ku di encamê de mamoste Cîhad Elîko û Nîzamedîn Elîko hatin girtin û piştre çend mamoste li Amûdê,Girigê Legê û Dêrikê hatin girtin.Û ew neçar kirin ku destûrên binivîsin ji bo rawestandina dersan ji bo xwendekarên bernameya dewleta Sûriyê”.
Wî her wiha got:”Wê demê di navbera Encûmen û HSDê de, li ser formûleke ku xizmeta gelê me bike û paşeroja wan garantî bike, heta ku mufredateke perwerdehiyê ya ku di asta navneteweyî de tê naskirin bê dîtin, lihevkirinek pêk hat, lê nehate sepandin, lê li ser hat nuxamdin lê mixabin Rêveberiya PYDê herî dawî peymangeh û dibistanên taybet ji biryara xwe ya berê girtina wan agadar kiribû.”
Her wiha Oso got:
“Pirsgirêkên nakok ên di navbera me de (perwerde, leşkerkirina bi darê zorê, zelalkirina çarenivîsa girtiyan û wendahiyan, vegera Pêşmerge…) Ev mijar ne berjewendiyên kesayetî û partî bûn,ji ber ku berjewendiyên gelê me bûn û em bi pêbendbûna xwe bi wan serbilind in.”
Û wiha dawî li axaftina xwe anî:
“Li ser çarenûsa vî gelî rawestin, ku êdî nikare tehemûlê biryarên we yên qerqûşî bike. Em prensîbek zanistî tînin bîra we ku berhevkirina hejmarî encamên kalîte didin yên ku hûn jê hez nakin”.
Ragihandina ENKSê
Raport:Elî Fetah
