المجلس الوطني الكوردي في سوريا

9emîn salvegera damezrandina Yekîtiya Xwendevan û Ciwanên Demoqratî Kurdistanî – Rojava li Qamişlo hat vejandin..

0 55

Roja înê 9ê Êlûna 2022an, Yekîtiya Xwendevan û Ciwanên Demoqratî kurdistanî – Rojava, bi boneya 9 emîn salvegera damezrandina wê ahingeke cemawerî bi çoş li ofîsa partiya Demoqrata kurdistan-Sûriya li bajarê Qamişlo li darxist..

 

Û ev yek bi amadebûna serkirdayetên partiyên siyasî û encûmena Niştimanî û êniya aştî û azadiyê û rêxistinên jinan û endamên Yekîtiya Xwendevanan…

 

Di destpêkê de bêxirhatina hemû beşdaran hate kirin û piştre xuleke bêdeng rawestiyan li ser giyanê pakrewanên kurd û kurdistanê û serwerê wan Barzaniyê nemir..

Û herwiha di vê salvegerê de hejmarek gotin hatin pêşkêşkirin..

Gotina Yekîtiya Xwendevan û ciwanan ji aliyê sekirtêrê YXCDK Dr,Hejar Hesen ve hate xwendin û têde bi giştî derbarê kar û xebata Yekîtiya Xwendevanan ji dema damezrandina wê ta niha anî ziman..

 

Û Gotina Encûmena Niştimaniya kurdî li Sûriya ji aliyê M,Mihemed Ismaîl ,endamê desteya serokatiya ENKSê  ve hate xwendin û têde pîrozbahiyeke germ arasteyî Yekîtiya Xwendevan û ciwanan kir ser berdewamiya xebat û karê wê di xizmeta mafê ciwan û Xwendevanan de taybetî di vê qonaxa hestiyar de ku têde derbas dibin li kurdistana Sûriyê..

Û Gotina Êniya aştî û Azadiyê ji aliyê M,Ewda Elxeşim hate xwendin.

Û Gotina rêxistina Asûrî ya Demoqrat ji aliyê M,Gebiriyêl Mûşê ve hate xwendin..

Û herwiha derbarê vê salvegerê stran û helbest ji aliyê komên filklorî ve hatin pêşkêşkirin Koma Orkêş, Koma Jiyan ,Koma Sîwan …

Û herwiha di dawiyê de hejmarek Xwendekarên serkeftî di pola 9 û 12 an de hatin xelatkirin…

Û hêjaya were gotin ku Yekîtiya Xwendevan û ciwanan rêxistineke niştîmanî û Demoqratî ye, piştgirî û piştevaniya ciwanan dike ji bo xwestek û dozên wan cîbicîbikin û parastina mafên wan di hemû waran de jî bike, û Yekîtî bi karekî kurdewarî radibe di xizmeta mafê Xwendevan û ciwanan de di warê siyasî û çandî û çivakî de ,û herwiha di warê belavkirina çand û hişmendî ji bo raman û hizra netewayî di nav ciwanan de geştir bike….

 

Ragihandina ENKSê

Raport: Hêvî Delî

Leave A Reply

Your email address will not be published.