المجلس الوطني الكوردي في سوريا

750 ENDAMÊN MILÎSÊN HIZBULAH GIHÎŞTIN LAZIQIYÊ.

0 73

Bi sedan endamên milîsên Hizbulaha Libnanî gihîştin çiyayên gundewarê Laziqiyê ji bo lidarxistina perwerdên şer.

Malpera xwecihî (Eyn Elfurat) got, “750 çekdarên Hizbulahê ku hemû jî Lubnanî ne, gihîştine Laziqiyê da ku li wir rahênanê bikin.”

Malperê her wiha got, “Perwerde li çiyayên bejahiyên Laziqiyê, tevî Çiyayên Tirkmenan tê kirin.”

Li gorî malperê, “Hizbulah piştî van perwerdeyên taybet, hewl dide endam û serkirdeyên xwe li rojhilatê Sûriyê û Helebê bi cih bike, di demekê de ku tevgereke bihêz ji aliyê wê partiyê ve ku li Sûriyê belav dibe.”

Herwiha milîsên Îranî beriya niha di van rojên dawî de li derdora bajarê El-Bûkemal, li rojhilatê Dêrezorê, perwerdeya leşkerî ji endamên xwe re kiribûn.

 

Malpera Eyn Elfurat got ku rahênan di navbera çekdarên Fatemiyûn û Hizbulahê de li devera Eşayer li derdora El-Bûkemal li aliyê Badiya Sûriyê pêk hat.

 

Di wê demê de, malperê got jî, “Grûpa ku perwerdeyê dibîne, vê dawiyê bi rêya Balafirgeha Dêra Zorê, ku ji Şamê tê, gihîştiye deverê û bal kişand ser bihîstina dengên teqînan li derdora El-Bûkemal ku ji encama teqînan,operasyonên perwerdehiyê ye”.

Hêjayî gotinê ye ku milîsên Îranî dem bi dem hêzên xwe birêkûpêk ji Iraqê dişînin herêma El-Bûkemal, bi armanca bihêzkirina bandora xwe li herêmê, û şandina karmendên perwerdekirî bo deverên din ên di bin bandora Îranê de.

 

 

Ragihandina ENKSê

Raport:Elî Fetah

Leave A Reply

Your email address will not be published.