Home / Uncategorized / NAVEROKA CÎVÎNA ASAYÎ YA DESTEYA SERKIRDAYETIYA BERA AŞTÎ Û AZADÎ.

NAVEROKA CÎVÎNA ASAYÎ YA DESTEYA SERKIRDAYETIYA BERA AŞTÎ Û AZADÎ.

Di roja Yekşemê 6.11.2022,an de, desteya serkirdayetiya Bera Aştî û Azadiyê bi rêya bernameya Zoom (online) civîna xwe ya asayî li dar xist.

Civîn bi gotareke siyasî ya berfereh ji aliyê birêz Ehmed Elcerba serokê Eniyê ve, dest pê kir û tê de dawîn û giringtirîn pêşhatên siyasî yên navdewletî û herêmî, her tiştê girêdayî dosya Sûriyê, berdewamiya aloziya li Sûriyê. ji ber rewşa nemimkûniya siyasî, cemidandina pêvajoya danûstandinan li Cinêvê û nebûna nîşanên çareseriya siyasî ji kirîza Sûriyê re.

Di vê derbarê de, Eniyê bombebarana hovane ya Rêjîmê û hevalbendên wê şermezar kir, yên ku sivîl li kampên penaberan li rojavayê Sûriyê armanc kirin, û di encamê de bi dehan şehîd û birîndar ketin, di nav wan de jin û zarok hebûn.

Serokê Eniyê her wiha li ser bandora zêde ya nakokiyên navneteweyî li Ukraynayê, giranbûna vê nakokiyê li ser siyaseta navneteweyî û metirsiya rasterast li ser bazarên cîhanî axvî.

Serokê Eniyê behsa lûtkeya Erebî ya vê dawiyê ku li Cezayîrê hat lidarxistin kir, û ji ber nebûna berçav a serkirdeyên Ereb, tiştekî nû dernexist.

Eniya Aştî û Azadiyê ketina desteya Tehrîr Elşam (Cebhet Elnesra ya berê) ya di lîsteyên terorîstan de ye bo Efrînê û navçeyên derdora wê şermezar kir û pêwîstiya derketina wê ji hemû herêmên di bin kontrola wê de ye.

Paşê dergeh li pêşiya endamên desteya serkirdayetiyê hat vekirin ku destwerdan bikin û têbînî û lêpirsînan bikin û ev yek jî bû dewlemendkirina gotûbêjan.

Di dawiya civînê de, amadebûyan tekezî li ser şopandina karê ofîsên Eniyê û awayên aktîvkirina wan li gorî pêşhatên bûyerên Sûriyê kirin.

 

 

Ragihandina ENKSê

 

Raport:Elî Fetah

About ferhad Şêxo

Check Also

DIRBÊSIYÊ : 9EMÎN LI SER SALVEGERA KOÇKIRINA PAKREWAN EDNAN RUSTIM RE DERBAS DIBE…

Wek tê zanîn di roja pêncşemê, 24.11.2022’an de,bîranîna nehemîn li ser pakrewanbûna pakrewanê şoreşa rûmet …

Leave a Reply

Your email address will not be published.