ŞANDEKE NÛNERATIYA HERÊMA KURDISTANÊ YA ENKSê SERDANA TÊKOŞER BARZAN MERHÎ KIR.

Şandeke nûneratiya Herêma Kurdistanê ya ENKSê serdana têkoşerê azadiyê Barzan Marhî, endamê desteya serkirdayetiya Partiya Yekîtî ya Demokrat a Kurd li Sûriyê (Yekîtî) kir daku li ser rewşa tenduristiya wî bipirsin.

Di roja Înê 15.12.2023an de, şandeke nûneratiya Herêma Kurdistanê ya Encûmena Niştimanî ya Kurd li Sûriyê serdana çalakvanê niştimanî Barzan Merhî, endamê desteya serkirdayetiya Partiya Yekîtî ya Demokrat a Kurd li Sûriyê (Yekîtî) û cîgirê berê yê serokê nûneratiya Herêma Kurdistanê ya Encûmena Niştimanî ya Kurdî li Sûriyê, ji bo dilniyakirina li ser tenduristiya wî.

Şanda nûneratiyê ji birêzan : (Salih Cemîl Axa, serokê nûneratiyê, Wai’l Omer, Fadil Delî, Reşad Silêman, Raman Mele)pêkhatibû

Şanda nûneratiyê bi germî ji aliyê malbata têkoşer Barzan Merhî ve li avahiya xwe ya li parêzgeha Silêmaniyê ya Herêma Kurdistanê hatin pêşwazîkirin.

Hêjayî gotinê ye ku Têkoşer Barzan Merhî niha erkê endamê desteya serkirdayetiya Partiya Yekîtî ya Demokrat a Kurd li Sûriyê (Yekîtî) girtiye û di encama têkoşîna wî di nav refên tevgera Kurdî li Sûriyê de, Rejîma Sûriyê li Şamê biryara girtinê li ser wî derxist.

Di heyama çend mehên derbasbûyî de tûşî pirsgirêkeke tenduristiyê bûye û li nexweşxaneyeke bajarê Silêmaniyê tê dermankirin.

Di dawiya serdanê de şandê hêviya silametî û başbûnê jê re xwest.

Ragihandina ENKSê

Raport:Elî Fetah