Home / Uncategorized / ŞANDEKE ENIYA AŞTÎ Û AZADIYÊ BI WEZÎRÊ DERVE YÊ RÛSYAYÊ SÊRGÎ LAVROV RE CIVIYAN

ŞANDEKE ENIYA AŞTÎ Û AZADIYÊ BI WEZÎRÊ DERVE YÊ RÛSYAYÊ SÊRGÎ LAVROV RE CIVIYAN

Di roja pênşemê 8.12.2022’an de, şandeke serkirdetiya Eniya Aştî û Azadiyê bi serokatiya birêz Ehmed El Cerba serokê Eniyê û her du endamên wê birêz Kamîran Haco û Gibrayêl Mûşê Gûriyê . bi wezîrê karên derve yê Federasyona Rûsyayê, birêz Sêrgî Lavrov re, li paytexta Rûsyayê, Mosko civiyan.

Di vê civîna girîng de, her du aliyan civînên girîng, berfireh û serkeftî pêk anîn, û pêşhatên rewşa Sûriyê û navçeyê bi giştî gotûbêj kirin, û tekezî li ser pêwîstiya dîtina çareseriyeke siyasî ya berfireh ji kirîza Sûriyê re li gorî biryara jimare 2254 ya Konseya Ewlekariyê ya Neteweyên Yekbûyî kirin.

 

Ji aliyê xwe ve, aliyê Rûsî piştgiriya xwe ya bi tundî ji serwerî, yekîtî û yekparçeyiya axa dewleta Sûriyê re tekez kir, û tekezî li ser wê yekê kir ku hemû hewlên navdewletî ji bo baştirkirina rewşa mirovî û nûjenkirina vî welatî piştî bidawîhatina aloziyê bên zêdekirin.

Di heman rojê de, Wezareta Derve ya Rûsyayê ji bo rêzgirtina şanda Eniyê li mêvanxaneyê xwarineke kar li dar xist û di wê hevdîtinê de şandê şêwirînên berfireh û berfireh ligel Nûnerê Taybet ê Serokê Federasyona Rûsyayê bo karûbarên Rojhilata Navîn û Afrîkayê kirin. Cîgirê Wezîrê Derve yê Rûsyayê birêz Mîxa’êl Bogdanov, di hevdîtinê de hemû pêşhat û bûyerên girêdayî dosyeyê, rewşa Sûriyê û dawîn pêşhatên wê gotûbêj kirin.

Ragihandina ENKSê

Raport:Elî Fetah

About ferhad Şêxo

Check Also

36 Sal ser koça dawî ya endeziyarê şoreşa kurdistanê ” Idrîs Barzanî” ve derbas dibe..

Endezyariyê kurdistanê û kesayetiyê niştîmanperwer û welatparêz “Îdrîs Barzanî”, ku di sala 1944an li gundê …

Leave a Reply

Your email address will not be published.