Ragihandina Encûmena Niştîmanî kurdî li Sûriyê المجلس الوطني الكوردي في سوريا
Related Articles
Hunermendê kurd ê Navdar “Mihemed Şêxo” di nav civaka kurdî de bi hestê stranên xwe yê neteweyî û welatperêzî êş û derdên miletê xwe ji cîhanê re diyar kiribû .
Hunermendê navdar” Mihemed Şêxo”, ku ji dayîkbûna sala “1948” an de, li her du gundê “Girbawî û Xecokê ” li Qamişlo jiyana xwe ya zaroktî derbas kiriye , û herwiha navê wî yê rastî
“Mihemed Salih Şêxmûs “ e , Di zaroktiya wî de malbata wî koçber dibe û li gundê “Xecokê” bi cîh dibe , û Şêxo di sala” 1959 “an de, bi dest xwendinê kiribû , û di salên xwendinê de Şêxo gelek Hunermendên kurd naskirbûn , û ev yek bandor lê kir ku Nêzîkî hunera muzîkê bibe,.
Û di derbarê karê Hunermend” Mihemed Şêxo”, di warê hunerî de ev Dîrok tê naskirin :
_ Di sala “1969 ” an de, Şêxo bi dest dengbêjiyê kir,
_ Di sala” 1969 “an de, li Libnanê ji bo xizmeta hunerê de Kar kiribû ,
– û sala” 1972″ an de , li Beyrûtê du salan xwendina mûzîkê kir, û di vê derbarê de “Şêxo “, bi hevalên xwe re komekê bi navê “Serkeftin ” a mûzîkê saz kirin.
_ Di sala” 1973 ” an de derbasî başûrê Kurdistanê bû, û li wir mîna hozan Kar kir,
– û paşê “Şêxo “berê xwe de “Şamê “, û kasêta xwe ya bi navê” Gewrê” Amedê û belav kir . Lê dewlata Sûriyê gelek caran ew bincavkir , ji ber vê yekê Hunermend “Mihemed Şêxo” berê xwe de” Başûrê Kurdistanê “, û di nava refên pêşmergeyan de cihê xwe girt,
Lê bi têkçûna serhildana Başûr re ew li sala 1975an derbasî Rojhilatê Kurdistanê bû, û li wir kasêta xwe tomar kir, û ji bilî karê mûzîkê Hunermend Şêxo çend salan karê mamosteyê kir.
Û herwiha piştî “11” salan Mihemed Şêxo careke din vegera Kurdistana Sûriyê û bi hezkirina mûzîkê hat pêşwezî kirin di nav kurdan de.
Û herwiha ji ber neteweyî û niştîmanperweriya wî ji aliyê rêjîma Sûriyê ve hat zindan kirin, Lê zindan nebû kelem li pêşiya Hunermend “Mihemed Şêxo ” ku di peyv û stranên xwe de derd û kulên gelê xwe û daxwaz û baweriyên wan bi huneriyeke bilind anî ziman..
Hunermendê kurd” Mihemed Şêxo” di sala “1989 ” an de, li Qamişlo çû ber dilovaniya xwedê û ji aliyê milet û keseyetên siyasî û rewşenbîrî ve li goristana” Hilêliyê “ya bajarê Qamişlo bi axê hat spartin…
Ragihandina ENKS ê
Raport:Hêvî Delî
