المجلس الوطني الكوردي في سوريا

BOMBEBARANA ÎSRA’ÎLÊ BALAFIRGEHA HELEBÊ JI XIZMETÊ DERXIST.

0 69

Di şeveqa roja Sêşemê, firokeyên Îsra’îlê firokexaneya navdewletî ya Helebê li bakurê Sûriyê armanc kir û ew ji kar derxist.

Ajansa nûçeyan a rejîmê (SANA) ji zarê çavkaniyekî leşkerî ragihand ku di şeveqa roja Sêşemê demjimêr 02:07 balafirên şer ên Israîlî ji aliyê Deryaya Sipî ve li rojavayê Laziqiyê êrîşeke asmanî pêk anîn û firokexaneya navdewletî ya Helebê kir armanc.

Çavkaniyê amaje bi wê yekê jî kir, ku di encama bombebaranê de ziyanên madî giheştin firokxaneyê û ew firoke ji kar derxist.

Ajansa Rûsî (Spotnîk) li ser zarê çavkaniyekê li firokexaneya navdewletî ragihand: “Yek ji mûşekan ji mûşekên dijî firokeyan dûr ket û pista sereke ya firokexaneyê kir armanc.”

Herwiha Îsraîl di van salên borî de bi sedan êrîş biriye ser Sûriyê û dibêje ku armanc ew e ku rê nede Îran hebûna xwe ya leşkerî li wir ava bike.

wek tê zanîn ji sala borî ve, ev êrîş ber bi firokexaneyên navdewletî yên Şam û Helebê ve hatine, û bûne sedema rawestandina operasyonên wan carinan.

 

 

 

Ragihandina ENKSê

Raport:Elî Fetah

Leave A Reply

Your email address will not be published.