Home / Uncategorized / PIŞTÎ 4 SALAÊN BINÇAVKIRINÊ CIWANEK DI BIN ÎŞKENCEYÊ DE HAT KUŞTIN.

PIŞTÎ 4 SALAÊN BINÇAVKIRINÊ CIWANEK DI BIN ÎŞKENCEYÊ DE HAT KUŞTIN.

Piştî 4 salên binçavkirinê, ciwanek di bin îşkenceyê de, li girtîgeha Seyidnaya hat kuştin.

Ciwanê bi navê Ehmed Mehmûd Xetab piştî 4 salan di bin îşkenceyê de li Girtîgeha Leşkerî ya Seyidnaya jiyana xwe ji dest da.

Malpera Kombûna Azadên Horan got”Xetab ji hêzên rêjîmê veqetiyaye ji bajarokê Newa li rojavayê Dera, piştî ku lihevhatinek pêk anî, teslîm bû û tevlî yekîneya xwe ya leşkerî bû. Piştî du meh û nîvan ji tevlîbûnê. hêzên rejîmê wî girtin û xistin zindana Seyidnaya.”

 

Malperê herwiha li ser zarê çavkaniyekî nêzîkî malbata wî zêde kir, ku berî demeke nêzîk li zindana Seyidnaya serdana wî kiribûn, piştî wê yekê pêwendî bi wî re qut bû.

Û tekez kir,ku malbata wî Sêşema cû, çûn serdana wî di girtîgehê de, ji bo wergirtina nûçeya mirina wî, û malbata wî belgeya mirina wî ji avahiya Nufusê wergirt li gorî jêderê.

Berî çend hefteyan, zilamek û kurê wî ji aliyê hêzên rêjîmê ve di bin îşkenceyê de, li zindana Seyidnaya hatin kuştin, piştî ku ew ji kampa Rukban sala borî derketin.

Çavkaniyan gotin,ku Mû’eyid Mihemed Elebêd û kurê wî Ebdulezîz di bin îşkenceyê de li zindana Seyidnaya hatin kuştin, piştî ku par ji kampa Rukbanê ber bi bajarokê El-Qeryeteyin li gundewarê Humsê ve çûn”.

Rêjîmê bi salan zêdetir ji 150,000 Sûrî bi awayekî keyfî di zindan û navendên xwe de girtin, bêyî ku çarenivîsa wan eşkere bike.

 

Jêder:Yekîtî Mediya

Ragihandina ENKSê

Raport:Elî Fetah

About ferhad Şêxo

Check Also

36 Sal ser koça dawî ya endeziyarê şoreşa kurdistanê ” Idrîs Barzanî” ve derbas dibe..

Endezyariyê kurdistanê û kesayetiyê niştîmanperwer û welatparêz “Îdrîs Barzanî”, ku di sala 1944an li gundê …

Leave a Reply

Your email address will not be published.