Home / Uncategorized / NAVEROKA HEVDÎTINA SEROKÊ HERÊMA KURDISTANÊ Û NÛNERÊ AMERÎKA YÊ BO BAKURÊ ROJHILATÊ SÛRIYÊ.

NAVEROKA HEVDÎTINA SEROKÊ HERÊMA KURDISTANÊ Û NÛNERÊ AMERÎKA YÊ BO BAKURÊ ROJHILATÊ SÛRIYÊ.

Barzanî û nûnerê Amerîka yê bo bakurê rojhilatê Sûriyê tekezî li ser pêwîstiya diyaloga kurd û kurd kirin.

Serokê Herêma Kurdistanê Nêçîrvan Barzanî di roja Çarşemê 5.10.2022’an de, pêşwaziya nûnerê Amerîka yê bo karûbarên bakurê rojhilatê Sûriyê Nîkolas Giranger û şanda li gel kir.

 

Her wiha her du aliyan pêşhatên dawî li Sûriye û Iraqê, metirsiyên DA’IŞê, pêwendiyên di navbera partiyên Encûmena Kurdî û partiyên yekîtiya niştimanî, pêkhateyên Sûriyê û rewşa kampan bi taybet kampa Holê gotûbêj kirin.

Serokatiya Herêma Kurdistanê di daxuyaniyekê de, ragihand” her du aliyan tekezî li ser berdewamiya hevkariyên hevbeş bo rûbirûbûna terorê û metirsiyên DA’IŞê kirin, ku heta niha jî metirsiyeke rasteqîne li ser Sûriye, Iraq û navçeyê ye”.

Di daxuyaniyê de hat gotin”Her du aliyan pêwîstiya hevkariyê di navbera welatên Ewropa û navçeyê de ji bo vegerandina welatiyên xwe ji kampa Holê ya Sûriyê bo welatê xwe nirxand”.

 

Di vê çarçoveyê de, Nêçîrvan Barzanî dupat kir ku jinavbirina terorîstan ne tenê bi hêza çekan pêk tê, belku jinavbirina terorîstan divê bi rêya perwerde û kûrtirkirina çanda lêborînê, qebûlkirina kesên din û pêkve jiyanê û rûbirûbûna îdyolojiya tundrew û tundrew pêk were.

Her wiha her du aliyan tekezî li ser pêwîstiya diyalog û yekrêziyê di navbera aliyên Kurdî û pêkhateyên din ên Sûriyê de kirin.

Li gorî daxuyaniya Serokatiya Herêma Kurdistanê.

 

Ragihandina ENKSê

Raport:Elî Fetah

About ferhad Şêxo

Check Also

DIRBÊSIYÊ : 9EMÎN LI SER SALVEGERA KOÇKIRINA PAKREWAN EDNAN RUSTIM RE DERBAS DIBE…

Wek tê zanîn di roja pêncşemê, 24.11.2022’an de,bîranîna nehemîn li ser pakrewanbûna pakrewanê şoreşa rûmet …

Leave a Reply

Your email address will not be published.