NAVEROKA CIVÎNA XWECIHIYA BARZANIYÊ NEMIR YA BI SER ENKSÊ VE.
Xwecihiya Barzaniyê Nemir ya bi ser ENKSê ve,li bajarê Til Temir di roja Sêşemê 26.9.2023an civîna asayî lidarxist.
Di destpêkê de, xuleke bêdeng li ser giyanên pakrewanên Kurd û Kurdistanê, û di pêşî de Barzaniyê nemir rawestiyan Û piştre lîsta kar gengeşe kirin.
Piştre di civînê de giringtirîn xalên rojeva kar di rewşa rêxistinî û siyasî de hatin gotûbêjkirin û di rewşa rêxistinî de raporta ku ji ofîsa karûbarê encûmenên xwecihî hatibû wergirtin hate xwendin û tekezî li ser pêşxistina karê encumenê di vê qonaxa de bê kirin.
Di derbarê rewşa siyasî de: dawî pêşhat û pêşhatên siyasî yên li qada navdewletî, navçeyî û navxweyî hatin gotûbêjkirin.
Bi taybetî biryarên rêveberiya PYDê ji bo bilindkirina nirxê sotemeniyê û ferzkirina heqdestan, ji ber bilindbûna nirxê dolar û rewşa dijwar a jiyanê, ku zext ú fişarê li ser welatiyan zêde dike û wan neçarî koçberiyê dikin .
Di civînê de her wiha bi berfirehî li ser şert û mercên Efrîn, Serêkaniyê û Girê Spî yên ji ber dagirkerî û kontrolkirina van herêman ji aliyê komên çekdar ên ser bi Tirkiyê ve hatin nirxandin.
Di dawiya civînê de, pîrozbahiyên xwe pêşkêşî Serok Mesûd Barzanî kirin bi helkefta şeşemîn salvegera biryara dîrokî ya referandoma Herêma Kurdistanê ku roja 25ê Îlonê hat encamdan.
Ragihandina ENKSê
Raport:Elî Fetah