المجلس الوطني الكوردي في سوريا

NAVEROKA CIVÎNA XWECIHIYA AMÛDÊ YA ASAYÎ.

0 74

Encûmena xwecihî ya bajarê Amûdê ya bi ser ENKSê ve, li navenda xwe di roja şemiy 1.4.2023an de, civîna xwe ya asayî lidarxist.

Di destpêkê de,hemû endam hatin bixêrhatin ji aliyê serokê xwecihiyê M.Ilyas Hemo ve û piştre xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.

 

Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.

 

Herwiha tekezî li ser pabendbûna bi civînên asayî û pabendbûna bi siyaset û biryarên Encûmena Niştimanî ya Kurdî hate kirin.

 

Di rewşa rêxistinî de, biryara Emîndariya Giştî ya ji bo bîranîna helkeft û hemû bûyerên meha Adarê ku bi bîranîna çil û çaremîn salvegera koça dawî ya rêberê nemirê gelê Kurd, Barzanî ku yekê Avdarê dest pê kir,bi awayekî berfireh û zelal mendî ji aliyê hemû endaman hate gotûbêjkirin.

 

Herwiha di civînê de,Li ser vexwendina Encûmena Niştimanî ya Kurdî, di roja Şemiyê 25.3.2023’an de,katijmêr 12ê nîvro bi sedan ji gelê Kurd li ber baregeha Netewên Yekgirtî li bajarê Qamişlo, bi armanca piştevaniya bi serhildana gelên Efrînê, xwepêşandanek,li dijî komên çekdar yên teror

[ ] ji bo şermezarkirina tawana hovane ku di encamê de 4 pakrewanên yek malbatê jiyana xwe ji dest dan hate nirxandin.

 

Herwiha bi awayekî zelalmendî xwepêşandana ku li ser vexwendina xwecihiya Amûdê di 28.3.2023’an de,li bajarê Amûdê hatibû pêk anîn hat nirxandin.

Herwiha rewşa siyasî, çend xal li ser asta herêmî û navdewletî hatin gotûbêjkirin û endaman bi dirêjî li ser binpêkirinên komên çekdar li bajarên kurdî bi taybet li Efrînê rawestiyan û hemû endaman komkujiya Cendirisê li Efrînê di şeva Newrozê ya ku 4 ciwanên Kurd ji malbatekê pakrewan ketin şermezar kirin.

 

 

Ragihandina ENKSê

Raport:Elî Fetah

 

 

 

 

 

 

 

 

 

 

Leave A Reply

Your email address will not be published.