Home / Uncategorized / ÎSRAÎL RAGIHAND KU LI HEMBER ÊRÎŞA MÛŞEKÎ CIHÊN ARTÊŞA SÛRIYÊ KIRINE ARMANC.

ÎSRAÎL RAGIHAND KU LI HEMBER ÊRÎŞA MÛŞEKÎ CIHÊN ARTÊŞA SÛRIYÊ KIRINE ARMANC.

 

Artêşa Îsraîlî,şeveqa îro Yekşemê, piştrast kir ku wan êrişên asmanî li nav axa Sûriyê pêk anîne û armancên leşkerî kirine armanc.

Herwiha artêşa Îsraîlê di daxuyaniyekê de ragihand: “Balafirên şer ên artêşa Israîlî, li Sûriyê, li nav axa Sûriyê, navendeke leşkerî ya girêdayî Firqeya Çaran û herwiha cihên radar û topxaneyên artêşa Sûriyê, bombebaran kirin.”

Û di daxuyaniyê de hat gotin, “Hemû ev êrîş weke bersivekê ji avêtina roketan ji hundirê xaka Sûriyê ber bi Îsraîlê ve tên.”

Û artêşa Îsraîlî di daxuyaniyeke nivîskî de,şeveqa roja Yekşemê got: “Ji Sûriyê 3 rokêtan ber bi Îsraîlê ve hatin avêtin, ku 2 mûşek derbasî nav axa Îsraîlê bûn, topek li devereke vekirî ket û topeke din jî ji aliyê berevaniya esmanî ve hat astengkirin.”

Herwiha êvara Şemiyê, artêşa Israîlî di daxuyaniyekê de got: “3 rokêt ji Sûriyê ber bi Îsraîlê ve hatin avêtin,ku topek derbasî nav axa Îsraîlê bû û li devereke vekirî li başûrê bilindahiyên Colanê ket.”

Herwiha artêşê amaje bi wê yekê jî kir ku ew Şamê “berpirsiyar e ji tiştên ku di nav axa wê de diqewimin û dê rê nede hewldanên binpêkirina serweriya Îsraîlê.”

Sûriye piştî Şerîda Xeza û Lubnanê bû herêma sêyemîn ku Îsraîl jê ragihand ku di kêmtirî hefteyekê de çavdêriya avêtina mûşekan kiriye.

Ev yek weke bersivekê hat li ser êrîşên dubare yên roja Çarşemê û Pêncşemê bo ser Mescîda Eqsa, dema ku alozî zêde bûn û pevçûn li deverên curbicur ên navçên Felestînî û navçeyên Erebî li Israîlê qewimîn, ji bilî avêtina mûşekan ji Lubnan, Xeza û Sûrye.

 

 

Ragihandina ENKSê

Raport:Elî Fetah

About ferhad Şêxo

Check Also

750 ENDAMÊN MILÎSÊN HIZBULAH GIHÎŞTIN LAZIQIYÊ.

Bi sedan endamên milîsên Hizbulaha Libnanî gihîştin çiyayên gundewarê Laziqiyê ji bo lidarxistina perwerdên şer. …

Leave a Reply

Your email address will not be published.