ÎRAN LI SÛRIYÊ SÎSTEMA BEREVANIYA HEWAYÎ AKTÎF DIKE.

Çavkaniyên agehdar li Sûriyê ragihandin ku milîsên Îranê destûr dane ku sîstema berevaniya esmanî ya ku ji 4 bataryayên pêk tê li Şamê were aktîvkirin, ji bo berbirûbûna her êrîşeke Îsraîlê di heyamên bê de.

Rewangeha Sûrî bo Mafên Mirov eşkere kir ku ferman ji serkirdeyên milîsên Îranî re hatiye dayîn ku tevgera xwe di nav axa Sûriyê de kêm bikin, piştî çalakkirina sîstemê, ji tirsa armancên Israîlî.

Li gor zanyariyan; Milîsên Îranî di rojên derbasbûyî de sûd ji karesata erdheja wêranker a ku beşek ji axa Sûriyê xist û ketina alîkariyên mirovî, ji bo nasandina sîstema berevaniya esmanî û radestkirina wê radestî rejîmê kir. Bala xwe bidinê ku lêçûna sîstema Îranê ji bihayê sîstema berevaniya hewayî ya Rûsyayê «S300» kêmtir e.

Rewangehê got ku sîstema Îranê ya navborî ji deriyê sînorî yê El-Bûkemal-El-Qa’im bi Iraqê re derbasî hundir bûye. Tê çaverêkirin ku zêdetir mûşekên Îranê derbasî navendên leşkerî û ewlehiyê yên Hemayê, Laziqiyê û Dêrezorê bibin.

Îsraîl gelek cihên Îranî li Sûriyê kirine armanc, di salên dawî de Îran milîsên xwe li wir bi cih kiriye, di nav wan de cihên nêzîkî Şamê û firokxaneya wê ya sivîl, daku rê li ber berfirehbûna wê bigire, û herwiha rê li ber gihandina çekan bo Hizbulah Libnanî bigire.

Ragihandina ENKSê

Raport: Elî Fetah