EFRÎN:ÇEKDARÊN ELHEMZAT 4 KURDÊN SIVÎL GIRTINE.

Li gorî tora mafên mirovan, çekdarên Firqeya Elhemzat 4 welatiyên Kurd li bajarê Efrînê, li Kurdistana Sûriyê, girtin.

Tora Çavdêriya Mafên Mirovan a Sûriyê ragihand ku wê di 30-8-2023`an de girtina Mehmûd Mihemed Cunêd, Cemîl Hac Xelîl, Mihemed Taha û Zekî Mihemed Tûbal ji gundê Basûta yê navçeya Şêrawa ya gundewarên Efrînê li Helebê belge kiriye. Di roja 28.8.2023an de ji aliyê çekdarên ser bi Firqeya Elhemzat ve hatin veguhestin û heta niha çarenivîsa wan ne diyar e.

Torê amaje bi wê yekê kir ku binpêkirinên li dijî sivîlan hîn berdewam in li deverên di bin kontrola El-Hemzat û komên din de, û ew bi awayekî keyfî bêyî hişyariyek berê û di bin hincetên pûç de wan digrin.

Herwiha Tora Çavdêriya Sûrî ya Mafên Mirovan nîşan dide ku tirsa xwe ji çarenivîsa wan heye û ew dê rastî îşkenceya laşî û windakirina bi zorê bên.Tora Çavdêriya Sûrî ya Mafên Mirov her wiha bang li civaka navdewletî dike ku berpirsyariya xwe li hember sivîlan bigire, wan biparêze, û berpirsan berpirsyar dibînin û wan pêşberî dadweriyê bikin, û zextê li hêzên artêşa niştimanî bikin ku binpêkirinên xwe rawestînin û çarenivîsa bi hezaran girtî û windayan di girtîgehên wê de eşkere bikin.

Hêjayî gotinê ye ku binpêkirin û tawan li Efrînê berdewam in ji dema ku artêşa Tirkiyê di bihara 2018an de bi beşdariya grûpên ser bi Enqerê ve, herêm dagir kir.

Ragihandina ENKSê

Raport:Elî Fetah