AMÛDÊ: SEMÎNAREK JI ALIYÊ HJKSê VE HAT LIDARXISTIN.

Li ser daxwaza Hevgirtina Jinên Kurd li Sûriyê, şaxê Amûdê,semînarek di bin navê (Nakokiyên dîrokî yên herî girîng ên ku ne tundûtûjî têde serkeftî bû)li ofîsa Partiya Yekîtî Kurdistanî – Sûriyê lidarxist. Gotûbêj ji aliyê siyasetmedarê kurd Merwan Îdê ve, bi amadebûna komek siyasetmedar û rewşenbîrên kurd hat pêşkêşkirin.

Di derbarê naveroka vê semînarê de,siyasetmedarê Kurd M.Merwan Îdê ji malpera me ya ENKSê re ragihand û anî ziman:

“Li ser daxwaza Hevgirtina Jinên Kurd li Sûriyê şaxê Amûdê û li ofîsa Partiya Yekîtî Kurdistanî – Sûriyê, me semînarek cemawerî bi navê (Nakokiyên dîrokî yên herî giringtirîn ku ne tundûtûjî têde serkeftî bû) li darxist”.

Herwiha Îdê got:

Me behsa sê serpêhatiyan kir, ya yekem. Tecrûbeya Gandî li Hindistanê wekî protestoyek li dijî neheqiya dagîrkeriya Brîtaniyayê û danîna bacên ku barê cotkar, karker û belengaz dikişandin û xwê yekdestdar dikir û çawaniya berdewamiya van xwepêşandanan heya derketina Ingilîzan kir.

Îdê axaftina xwe berdewam kir û got :

“Tecrûbeya duyemîn, me behsa Martin Loter Kînix û têkoşîna wî ya li dijî polîtîkayên cudakariya nijadî ya li dijî reşik û Hindiyên Sor û daxwaza mafên medenî yên wekî mafê dengdanê, siwarkirina otobusan, dayîna mûçeyên karker û karmendên reş, û di dawiyê de bi ser ket.Bi qeydkirina 5 milyon hilbijêrên reş û hevdîtina Serok Jon Kîndî kir”.

Herwiha mamoste Merwan Îdê got jî:

Serpêhatiya sêyemîn.Me behsa Afrîkaya Başûr,pêvajoya Kîp Tawin, çalakiya xwepêşandanên ya metran Dimond Tutu,kesayetên Olî û rêxistinên civaka sivîl heta ku serokên muxalefetê hevdîtin pêk bînin û qanûnek ji bo partiyan hat derxistin û Nîlson Mandêla serbest hat berdan ku piştre bû serokê Afrîkaya Başûr”.

Ragihandina ENKSê

Raport:Elî Fetah