المجلس الوطني الكوردي في سوريا

AMERÎKA, AWSTIRALYA, BIRÎTANIYA Û YEKÎTIYA EWROPAYÊ DIXWAZIN ALÎKARIYÊ BIŞÎNIN BAKURÊ SÛRIYÊ PIŞTÎ ERDHEJÊ.

0 57

Êvara Sêşemê, Dewletên Yekbûyî yên Amerîkayê, Astiralya,Birîtaniya û Yekîtiya Ewropayê niyeta xwe ya ji bo pêşkêşkirina alîkariyê ji bo mexdûrên erdheja wêranker li Sûriyê, bi rêya rêxistinên xwecihî ragihandin.

 

 

Wezîrê Derve yê Amerîka Antonî Bilînkîn di hevpeyvîneke rojnamevanî de got: “Li Sûriyê hevkarên me hene di rêxistinên mirovî yên ku ji aliyê Amerîka ve tên fînansekirin, û ew alîkariyên jiyanê pêşkêşî kesên ku ziyan dîtine dikin, û em bi biryar in ku vê alîkariyê ji bo alîkariyê pêşkêş bikin. Gelê Sûriyê ji vê zehmetiyê derbas dibe”.

 

 

Herwiha eşkere kir ku “ev pere dê ji gelê Sûriyê re biçe û ne ji rejîma Şamê re ye.”

 

 

Ji aliyê xwe ve, peyvdarê wezareta derve ya Amerîka Nêd Pirayis got: Helwesta Amerîka derbarê çawaniya bersivdana karesatê de ew e ku Waşinton dê alîkariyan bi rêya hevkarên mirovî yên li ser erdê berdewam bike”.

 

 

 

Di vê çarçoveyê de Berdevkê Komîsyona Yekîtiya Ewropayê Balaz Ojvarî got: “Yekîtiya Ewropayê bi rêya hevkarên Neteweyên Yekbûyî û rêxistinên sivîl, li tevahiya Sûriyeyê alîkariyê pêşkêşî dike û hewl dide ku alîkariya mirovî zêde bike”.

 

 

Ji aliyê xwe ve, desthilata Awstiralya ragihand, ku ew dê sê milyon dolar bi rêya UNICEFê bidin kesên ku li Sûriyê ziyan dîtine.

 

 

Di daxuyaniya Wezareta Derve ya Awstiralya de hat gotin, “Alîkarî ji bo peydakirina pêdiviyên lezgîn e, di nav de stargeh, ava paqij û paqijiyê, bi giranî li ser jin û keçan,” tekez kir ku “alîkarî dê kesên ku herî zêde pêdiviya wan bi alîkariyê heye bike armanc.”

 

Ragihandina ENKSê

Raport:Elî Fetah

Leave A Reply

Your email address will not be published.