Îro roja pêncşemê 11.2.2021ê de,ofîsa karûbarê encûmenên xwecihî ya bi ser ENKSê ve, bi serokatiya serokê ofîsê, mamoste Mihsin Tahir Û herdû endamên ofîsê , mamoste Mahmûd Hac Elî û mamoste Ebdulbaqî bavê Ciwan, hevdîtinek bi encûmena xwecihî ya bajarê Amûdê ya bi ser ENKSê ve li darxist.
Herwiha di destpêkê de,serokê xwecihiyê mamoste Mihemed Omer Şêxmûs bi xêrhatina hemû endamên ofîsa karûbarê encûmenên xwecîhî û hemû endamên xwecihiyê kir.
Û piştre hin mijarên siyasî û rêxistinî hatin gengeşe kirin.
Herwiha “Tahir” bi awayekî berfire rawestiya, li ser rewşa rêxistinî di derbarê liv û tevgera xwecihiyê de,heta ku bi awayekî sererast bê pêxistin.
Herwiha mamoste Mihsin Tahir di vê hevdîtinê de,kar û xebata ENKSê bi awayekî rasteqîne rol û piroja wê şirovekir.
Herwiha hemû bûyerên herî dawî yên siyasî hatin gengeşe kirin û di derbarê rewşa kurdî de,tekez bû li ser giringiya yekrêzî û yekhelwesta Kurdî li Kurdistana Sûriya ya ku ji xeynî wê tune ye,Heta ku gelê kurd ji hemû aliyan bê parastin.
Herwiha di civatê de, li ser rewşa mamosteyên ku hatin binçavkirin ji aliyê ewlehiyê bi ser PYDê ve hat axiftin .
Herwiha hemû mijarên hatin şirovekirin,ji aliyê hemû endamên xwecihiyê yên beşdar hatin gengeşekirin.
Ragihandina ENKSê
Raport:Elî Fetah
