QAMIŞLO: KORBENDA ÇAKSAZÎ Û GUHERTIN XELEKEK GENGEŞEYÊ LI DAR XIST

Korbenda Çaksazî û guhertin di xelekek nû de, piştî ji rawestî bûna, sê heyvan ji ber nexweşiya veyrûsa korona .
Xelekek bi navnîşaniya(Rehenda niştîmanî û netewî ji rêkeftina Kurdî re)
di roja şemiyê 11.7. 2020an de, li navenda korbenda Çaksazî û guhertin, li Kurdistana rojava,li bajarê Qamişlo hat li dar xistin, bi rêveberiya M.Kazim Xelîfê û M.Feyrûşa Ebdirihman, endamên korbenda Çaksazî û guhertin.

Di destpêkê de xulekek bê deng li ser giyanên pakrewanên Şoreşa rûmet û azadiyê rawestiyan.
Piştre rêveberiya korbend bi xêr hatina mêvanên beşdar kirin, û piştre li ser mijarê baş hat gengeşekirin.

Herwiha bi beşdarbûna kesayetên serbixwe û nûnerên civaka sivîl û rewşenbîr û nûnerên partiyên siyasî ji hemû pêkhateyên herêma Kurdistana Sûriyê .

Herwiha rûpela kar hat gengeşekirin ya ku hatibû pêşkêşkirin ji hêla rêveberiya korbenda Çaksazî û guhertin.

Naveroka gotara rûpela kar ya ku li ser hatibû gengeşekirin ev e.
Piştî ragihandina rêkeftina qonaxa yekem di navbera ENKSê û PYNKê li ser gihiştina têgihiştinan di derbarê nerînên siyasî yên hevbeş, bi pêşxiriya fermandarê HSDê Mezlûm Ebdê û bi çavdêriya Emrîkan, ji ber vê yekê gelek nerîn û helwestê cûda derketin û rehenda niştîmanî û netewî jî ji aliyên pêkhatiyên herêmê di derbarê giringiya vê rêkeftinê de hatin xuyakirin.

Herwiha li ser van xalan hatin gengeşekirin.
1-Çi giringiya vê rêkeftinê li ser asta niştîmanî û gelo dikare rolekê di çareseriya kirîza Sûrîyeyê de bilîze.
2-Kîjana destkeft wê ev rêkeftin dikaribe wê serkeftî bike di xizmeta netewa kurdî û hemû netewên Sûriya de.
3-Kîjan nerîn an pêşinyar jî dikare pêşkêşî herdu aliyên danûsitendinên bikin ji bo rêkeftin yekpar û gişgir be têkeve xizmeta hemû xelkên Sûriya.

Ragihandina ENKSê
Raport:Elî Fetah