Salvegera 46 emîn li şehîdbûna bûka Kurdistanê Leyla Qasim debas dibe …
Leyla Qasim serûk hilda
Gula jînê bi lez gulda
Daristan çiqil der kir
Dara azadiyê pelda
Dîroka bo te rûpel da
Keça kurdan bi şehnazî
Payebûna xwe zengil da
Dozê dang da bi wê Alê
xaka kurdan çi simbil da.
Di derbarî Kar û xebata Leyla Qasim di nava tevgera kurdî de :
Pêşmergeya kurd Leyla Qasim yek ji wan keçan bû ku di dîroka siyasî ya Kurdistanê de wekî pêşeng û qehremana şoreşgêriyê rêka azadiyê hat naskirin.
Leyla Qasim ji dayîk bûna sala “1952 ” an de, li bajarê Xaniqîn yê başûrê Kurdistanê, û ji malbateke xwedan neteweyî û welatperwerî bû,
Û di sala “1974 ” an de, tevlî nava refên PDK ê, bû û herwiha bi awayekî çalak beşdarî Kar û xebatê de bû,
û şehîd Leyla peyama serbilindî û berxwedanê bû li hember dujminan.
Û di sala “1970 ” an de, bi çalakiyên xwe yên siyasî li dijî Hikûmeta Be’s a faşist rabû, û ji ber vê yekê rastî zordarî û astengiyan dihat kirin.
_Û di sala “1974 ” an de, bajarê” Qeladizê ” bi giranî hat bombarankirin ji aliyê rêjîma Iraqî ve, ku di encamê de gelek xwendevanên kurd şehîd ketin.
Piştî vê yekê Rêjîmê êrîşî ser bajarê “Helebçeyê” kirin, û gelek kesên sivîl û bêguneh hatin kuştin û birindarkirin, û li hember van hovîtiyên rêjîma “Iraqê ” gelek xwendevan û sivîlan berê xwe dan çiyayê Kurdistanê û tevlî hêzên Pêşmergeyan bûn.
Şehîda pêşmerga “Leyla Qasim” di wê baweriyê de bû ku divê xebat ne tenê li çiyayê Kurdistanê bê, lê xebata herî giran, pêwist e di nava cergê dijminan de be..
Û herwiha ji ber Kar û têkoşîna Qasim û çar hevalên wê hatine girtin ji aliyê rêjîma “Iraqî ” ve, û di girîgehê de rastî Îşkenceyê û azarên pir mezin dihatin kirin,
Û navê wan ev bûn :
_ Hesen Heme Reşîd
_ Nerîman Fûad
_ Azad Silêman Mîran
_Cewad Hemewendî.
dewlata Iraqî ew weku terorîst û dujminên dewlata Iraqî re, bi xelkê û rêya giştiya cîhanî re dan nasîn.
Û herwiha di yekem serdana malbata wê di girîgehê de Leyla ji wan xwest ku cil û bergên nû jê re bînin di serdana bê de,
Û her malbata wê ev xwestekên wê jê re pêk anîn, û Şehîda Leyla di wê serdanê de hin piskên porê xwe birî û diyarî xwîşka xwe kir, weku bibe bîranîn li ser Kar û xebata wê di ber doza azadîxwaziya gelê kurd.
Û di roja “12 ” Gulana “1974 ” an de, bi destê Hikûmeta Be’s Ya Iraqî ve, hat bidarvekirin.
Û ji wê rojê û heta niha bû simbola Jina kurd a şervana azadî û rizgariya Kurdistanê.
Û herwiha gelê kurd li hemû perçeyên Kurdistanê Şehîda Leyla Qasim, wekî qehremaniyeke netewayî dibînin, ku îro bi hezaran keçên kurd li ser şopa têkoşînar û xebatkar Şehîda pêşmerga Leyla Qasim ku bûye sembola canfîdayî a keç û jinên kurd…
Ragihandina ENKS
Amadekirin : Hêvî Delî