Nûneratiya Herêma Kurdistanê ya Encumena Niştimanî ya Kurdî li Sûriyê (ENKS), roja Yekşemê 18ê Cotmeha 2026an, civîneke rêxistinî li baregeha xwe ya li Hewlêrê li dar xist, daku serokekî nû ji bo nûneratiyê bi amadebûna piraniya endaman hilbijêre.
Civîn bi xulekek rêzgirtin ji bo giyanê şehîdên Kurd û Kurdistanê û şoreşa Sûriyê, di serî de bavê ruhanî yê neteweya Kurd Mela Mistefa Barzanî û Îdrîsê Nemir dest pê kir.
Civîn di keşûhewayekî demokratîk de birêve çû; deriyê berbijariyê hat vekirin û encamên dengdanê bi hilbijartina birêz “Cedan Elî” weke serokê nû yê nûneratiyê ji bo şeş mehên bê bi dawî bû.
Her weha biryar hat girtin ku hilbijartina Ofîsa rêveberî û komîteyan di civîna bê de were temamkirin.
Di dawiya civînê de, birêz Cedan Elî gotarek pêşkêş kir û tê de spasiya baweriya endaman kir.
Wî tekez li ser hestiyariya qonaxa niha kir ku daxwaza bihêzkirina karê komî û yekxistina hewlan dike, daku serkeftina erkên nûneratiyê û pêkanîna daxwazên gelê me û armancên Encumena Niştimanî ya Kurdî li Sûriyê werin mîsogerkirin.
Ragihandina ENKSê
Rapor : Elî Fetah