Xwecihiya Amûdê ya Encûmena Niştimanî ya Kurdî li Sûriyê (ENKS), îro civîna xwe ya asayî ya mehane bi amadebûna endamên xwecihiyê li dar xist.
Civîn bi deqeyek rêzgirtin ji bo giyanê şehîdên Kurd û Kurdistanê, û di serî de ji bo bavê nemir Mela Mistefa Barzanî dest pê kir.
Di civînê de geşedanên siyasî yên dawî li Sûriyê û herêmê, û her weha pêşveçûnên doza Kurdî hatin nîqaşkirin.
Li rex vê yekê, rewşa xizmetguzarî û jiyanî ya li bajarê Amûdê û gundewarên wê bûn rojeva civînê.
Beşdaran her weha rewşa xebata rêxistinî û cemawerî ya xwecihiyê nirxandin.
Di vê çarçoveyê de, li ser rêyên xurtkirina têkiliyan bi welatiyan re û çalakkirina rola ciwanan û jinan hat rawestandin, da ku performansa xwecihiyê pêş bikeve û amadebûna Encûmenê di nav xelkê herêmê de xurtir bibe.
Di dawiya civînê de, amadebûyan teqezî li ser giringiya berdewamkirina xebata hevbeş, girêdanbûna bi mafên neteweyî yên rewa yên gelê Kurd, û xurtkirina yekrêzî û helwêsta Kurdî kirin.
Ragihandina ENKSê
Rapor:Elî Fetah