ROLA WÊJEYA KURDÎ LI ROJAVAYÊ KURDISTANÊ HATE NIRXANDIN
Li bajarê Hesekê, Şaxê Hesekê yê Yekîtiya Nivîskarên Kurdistan-Sûriya, di roja înê de (4.9.2026) an de, semînereke wêjeyî ya bi navê “Rola Çaverêkirî ya Wêjeya Kurdî li Rojavayê Kurdistanê” li dar xist.
Semîner li baregeha Partiya Demokrat a Kurdistanî – Sûriya (PDK-S) bi amadebûna nûnerên Encûmena Niştimanî ya Kurdî li Sûriyê (ENKS), partiyên siyasî, yekitiyên jin û ciwanan û hejmarek ji saziyên civaka sivîl bi rê ve çû.
Semîner bi xêrhatina pêşkêşvan Hewas Bişo dest pê kir. Paşê ji bo rêzgirtina li giyanê şehîdên Kurd û Kurdistanê û di serî de Barzaniyê Nemir, xulekek rêz hate girtin.
Piştre nivîskar Şerîf Elî babetê xwe pêşkêş kir û tê de qala cihêrengiya wêjeya kurdî û rola wê di parastina nasname û berdewamiya gelan de kir.
Her wiha wî bal kişand ser rola ku nivîskar, lêkolîner û rewşenbîrên Kurd dikarin di xizmeta doza Kurdî de û xurtkirina hebûna wê ya çandî û ramanî de bilîzin.
Di dawiya semînerê de, dergehê pirs û dîtinan li pêşiya amadebûna hate vekirin.
Ev yek bû sedema guftûgoyeke germ li ser mijarên semînerê û lêkolîner bi sîngfirehî bersiva pirsan da.
Semîner bi axaftina spasiyê ji aliyê pêşkêşvan Hewas Bişo ve bi dawî bû, ku tê de spasiya amadebûyan û Partiya Demokrat a Kurdistanî – Sûriya kir ji bo mêvandariya vê çalakiyê li nivîsgeha wan a li bajarê Hesekê.
Ragihandina ENKSê
Rapor: Elî Fetah
