Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Duşemê 30.8.2026an de, civîna xwe ya asayî lidarxist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê û têkoşera Munewer Şemdîn û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Di derbarê rewşa siyasî de, hemû bûyer û pêşhatên siyasî li ser qada Sûriyê bi giştî û rewşa kurdî bi taybetî hatin gotûbêjkirin.
Her wiha Beşdaran bal kişandin ser rewşa dijwar a jiyanê ku herêm ji ber xirabiya rêveberiya rojane dinalîne, nexasim di derbarê siyaseta guhertina diravî, kêmbûna diravê nû yê Sûrî, û neçarkirina welatiyan ku hewcedariyên xwe bi diravê nû yê Sûrî bikirin, ku ev yek daxwaz û azarên wan ên rojane girantir dike
Her wiha beşdaran behsa mekanîzmayên aktîfkirina rolên nivîsgehên ser bi encûmenê ve û geşedanên girêdayî lidarxistina kongreya Encûmena Niştimanî ya Kurdî kir
Ragihandina ENKSê
Rapor: Elî Fetah
Tuesday, September 1, 2026
