JI BO XURTKIRINA YEKÎTIYA NETEWEYÎ Û AVAKIRINA PIRA DIYALOGÊ; ŞANDEYA XWECIHlYA ŞAMÊ YA ENCÛMENA NIŞTIMANÎ ‏YA KURDÎ LI SÛRIYÊ SERDANA PÊŞANGEHA NAVDEWLETÎ YA ŞAMÊ KIR.

JI BO XURTKIRINA YEKÎTIYA NETEWEYÎ Û AVAKIRINA PIRA DIYALOGÊ; ŞANDEYA XWECIHlYA ŞAMÊ YA ENCÛMENA NIŞTIMANÎ
‏YA KURDÎ LI SÛRIYÊ SERDANA PÊŞANGEHA NAVDEWLETÎ YA ŞAMÊ KIR.
‏
‏
‏DESTPÊKA SERDANÊ Û PÊŞWAZÎKIRIN
‏
‏Di pêngaveke ku ruhê vebûnê û teqezkirina li ser xalên jiyana hevbeş nîşan dide de, şandeyeke bilind ji Encûmena xwecihî ya Şamê ya Encûmena Niştimanî ya Kurdî li Sûriyê (ENKS), bi serokatiya birêz Luqman Oso, serokê encûmena xwecihî ya Şamê û bi beşdariya hejmarek ji endaman, serdaneke meydanî ji bo beşên 63’emîn a Pêşangeha Navdewletî ya Şamê pêk anî.Şandeyê gura xwe ya fermî bi serdana beşa Kurdî destpê kir, ku li wir ji aliyê birêz Mihemed Silêman û komek ji berpirsên beşê ve hatin pêşwazîkirin. Di dewama vê serdana çavdêriyê de, şandeyê geşteke berfireh di nav beşên parêzgehên Reqa û Hesekê de kir, her wiha serdana beşê Wezareta Veguhastinê ya Sûriyê kir. Şandeya mêvan li van beşan bi germî û bi xêrhatineke mezin ji aliyê berpirsan ve hat pêşwazîkirin, ku ev yek kûrahiya peywendiyên mirovî û neteweyî nîşan dide.
‏
‏GOTÛBÊJÊN LI SER HEVPARIYA NETEWEYÎ
‏
‏Di heman demê de, vê serdanê gotûbêjên gur û fêkîdar li ser mekanîzmayên xurtkirina hevpariya neteweyî ya çalak li xwe girt. Di nîqaşan de teqezî li ser hewcedariya yekkirina hewlên hemû pêkhateyên gelê Sûriyê di vê qonaxa çarenûssaz a avakirina Sûriyeya nû de hat kirin. Di nav hevdîtinan de, pesneke berfireh ji bo fermana hejmar 13 a ku ji aliyê Serok Ehmed Şerih ve hatibû derxistin hat dayîn, û amadebûyan diyar kirin ku ev ferman pêngaveke erênî û giring e ber bi çespandina aramî û dadperweriyê
‏ ve.
‏
‏YEKXISTINA DÎTINAN Û PIŞTGIRIYA CIVAKÎ
‏
‏Di çarçoveya peywendiyên berdewam de ji bo piştgiriya avakirina civakî, şandeyê di beşa Kurdî de bi birêz Mihemed Seydo endamê Encûmena Gel, birêz Xeyro Dawid rêveberê devera Efrînê, û birêz Rênas Ebdilrehman rêveberê navçeya Bilbilê re civiya. Her du aliyan bal kişandin ser giringiya van hevdîtinan di yekkirina dîtinan û bihêzkirina bingehên avakirina neteweyî de.
‏
‏PÎROZBAHIYA KOMA HUNERÎ YA EFRÎNÊ
‏
‏Li dawiya serdana xwe, şandeyê pîrozbahî û spasbariya xwe pêşkêşî koma hunerî ya ku ji Efrînê hatibû (ji bo beşdariya di çalakiyên pêşangehê de) kir, û pesna rola wan a zindî di dewlemendkirina qada çandî û hunerî de da, ku bi rêya pêşandanên xwe yên taybet peyama şahî û jiyanê gihandin.
‏
‏
‏Ragihandina ENKSê
‏Rapor: Elî Fetah