Nûnertiya Ewropa ya Encûmena Niştimanî ya Kurd li Sûriyê di 1ê Tebaxa 2026an de civiya û civîn bi xuleyeke rêzgirtinê ji bo canê şehîdên Kurd û Kurdistanê dest pê kir.
Di destpêka civînê de Ebdulkerîm Hacî Serokê Nûneratiyê pêşkêşiyek pêşkêş kir û tê de behsa girîngtirîn çalakî û bûyerên ku di heyama derbasbûyî de ji aliyê Nûnertiyê ve hatine encamdan û hewlên ku li qada Ewropayê hatine kirin.
Beşdaran çend mijarên rêxistinî û siyasî û rêyên aktîvkirina rola Encûmena Niştimanî ya Kurd li Sûriyê û zêdekirina hebûna wê li ser qada Ewropayê gotûbêj kirin.
.Her wiha di derbarê dawîn pêşhatên siyasî û pêşhatên heyî de nêrînên xwe danustandin û tekez li ser berdewamiya xebata hevbeş ji bo xizmetkirina doza Kurdî û bilindkirina pêgeha Encûmenê kirin.
Di dawiya civînê de, amadebûyan tekez li ser bihêztir kirina hewl û çalakiyên siyasî, medyayî û dîplomatîk li meydana Ewropayê bi awayekî ku bibe alîkar bo gihandina dengê gelê Kurd, berevanîkirin ji mafên rewa yên netewî û bihêztir kirina peywendiyan bi partî û dezgehên curbicur yên ewropî re, kirin.
Ragihandina ENKSê
Rapor: Elî Fetah