NAVEROKA CIVÎNA ENCÛMENA PAKREWAN NISREDÎN BERHIK YA ASAYÎ.
Di roja çarşemê 1.7.2026an de, encûmena xwecihî ya pakrewan Nisredîn Berhik ya bajarê Çilaxa -Aliya ya bi ser ENKSê ve,li ofîsa xwecihiyê, civîna xwe ya asayî lidarxist.
Civîn bi xêrhatina hemû endamên xwecihiyê ji aliyê serokê xwecihiyê,mamoste Behzat Murad ve, dest pê kir,
Piştre xulekek bêdeng li ser giyanên pakrewanên Kurd û Kurdistanê û di pêşî de li ser giyanê Barzaniyê nemir rawestiyan .
Piştî wê, civîn li ser rewşa rêxistinî ya xwecihiyê sekinî, ku rapora ku ji Ofîsa Karûbarên Encûmenên Xwecihî hatî wergirtin hate xwendin û gotûbêjkirin.
Ji aliyê siyasî ve, amadebûyan pêşhatên dawî yên li ser meydana Sûriyê, bi taybetî di derbarê pirsa Kurd û çarenivîsa çareseriya siyasî de gotûbêj kirin, û tekez kirin ku her çareseriyeke siyasî ya berfireh divê mafên neteweyî yên rewa yên gelê Kurd, di çarçoveya Sûriyeke nenavendî û demokratîk de, li ser bingeha pirensîpên dadperweriyê û hevbeşiya rast di navbera hemû pêkhateyan de, misoger bike.
Di civînê de her wiha pêşhatên dawî yên di diyaloga kurdî de hatin gotûbêjkirin û li ser daxuyaniya ronîkirina Encûmena Niştimanî ya Kurdî ya derbarê sedemên têkçûna karê Komîteya Hevbeş de rawestiyan, ku amadebûyan tekez kirin ku ev daxuyanî pabendbûna Encûmenê bi zelalmendiya bi raya giştî re, û dilgiraniya wê ya ji bo misogerkirina serkeftina hewlên bi armanca yekxistina refên kurdî bi awayekî ku xizmeta doza Kurd bike, dûrî berjewendîyên teng û destdirêjiyên siyasî.
Ragihandina ENKSê
Qamişlo
