Di roja Yekşemê,14/6/2026an de, Rêxistina Hesekê ya Partiya Demokrata Kurdistan – Sûriya şêst û nehemîn salvegera damezrandina yekemîn partiya siyasî ya Kurdî li Sûriyê, di şahiyekê de li hola xwaringeha Marbêla li bajarê Hesekê bi beşdariya berfireh a çalakiyên siyasî, civakî û çandî bi bîr anî.
Ahing bi deqeyeke rêzgirtinê ji bo giyanê pakê şehîdên gelê Kurd, Kurdistanê û şehîdên şoreşa Sûriyê û bi bîranîna giyanê pakê bavê ruhanî yê gelê Kurd Mela Mistefa Barzanî dest pê kir.
Endamê Ofîsa Siyasî ya Partiya Demokrata Kurdistan – Sûriya Beşar Emîn gotina partiyê pêşkêş kir, tê de riya yekemîn partiya siyasî ya kurdî li Sûriyê ji dema damezrandina wê ve nirxand, û behsa qonaxên herî girîng ên ku partiyê têre derbas bû kir û çewisandin, dorpêçkirina ewlehiyê, û girtinên ku bandor li endam û serkirdeyên wê kir di qonaxên cuda de.
Emîn her wiha behsa pêşhatên siyasî yên li ser meydana Sûriyê û kurdî kir û tekez kir ku Encûmena Niştimanî ya Kurdî dê berdewam be li ser karê xwe bo garantîkirina mafên neteweyî yên gelê kurd û pêkanîna wan di çarçoveya destûra Sûriyê ya hertim de.
Di pîrozbahiyê de, endamê komîteya navendî ya partiyê Beşîr Ebdulqadir, telegrama pîrozbahiyê ya ku ji ofîsa siyasî ya Partiya Demokrat a Kurdistanî – Iraq hatibû şandin, xwend, û endamê Ofîsa Karûbarên Encûmena Xwecihî di Encûmena Niştimanî ya Kurdî de Ferhad Şêxo jî gotinek pêşkêş kir û tê de pîrozbî li gelê kurd û tevgera siyasî ya kurd kir bi vê boneyê pesnê
rola têkoşerên yekem yên ku partiya yekem ya kurdî siyasî , ji bo doza Kurd damezrandin da.
Di çalakiyê de, beşên çandî û hunerî hebûn, tê de helbestvan Ridwan Yûsif û keça Dîlmaf helbest xwendin, û hunermend Mehsûm Şikakî bi nasnav (Bulbulê Newroz Hisiça) komek stranên niştimanî pêşkêş kirin.
Pîrozbahî bi nîşandana fîlmeke belgeyî ku behsa dîroka damezrandina yekemîn partiya siyasî ya Kurd li Sûriyê û têkoşîna wê dikir, bi dawî bû.
Ragihandina ENKSê
Rapor: Elî Fetah
