NAVEROKA CIVÎNA GERÎNGEHA ROJAVA YA ENCÛMENÊN XWECIHÎ YÊN BI SER ENKSÊ VE.
Gerîngeha Rojava ya encûmenên xwecihî yên bi ser ENKSê ve, civîna xwe ya asayî di roja Sêşemê 19/5/2026an de,li bajarê Qamişlo li darxistin .
Herwiha bi amadebûna Serokê ofîsa Karûbarên Encumenên xwecihî birêz Neşet Zaza û endamên Nivîsgeha Karûbarên Encûmenên Xwecihî, û amadebûna serokên encûmenên xwecihî yên gerîngeha rojava.
Di destpêkê de bixêrhatina amadebûyan hate kirin û ji bo giyanê pakê şehîdên Kurdistanê bi serdestiya nemir (Mele Mistefa Barzanî) deqîqeyek rêz hate girtin.
Paşê raporên ku ji encûmenên xwecihî hatin wergirtin ji aliyê serokên encûmenên xwecihî ve hatin xwendin û gotûbêj kirin.
Rewşa rêxistinî ya Encûmenên xwecihî yên li gerîngeha rojava hate nirxandin, ku li ser mekanîzmaya xebata her Encûmenekê hate nirxandin, performansa di dema borî de hate nirxandin, her wiha behsa astengiyên û rêbazên pêşvebirina xebata saziyan hate kirin.
Di vê çarçoveyê de birêz Mehmûd Hac Elî, diyar kir ku di civînê de bi hûrgilî behsa pêşhatên siyasî yên dawî li Sûriyê û guhertinên meydanî û siyasî yên meydanî û encamên wan li ser asta giştî hate kirin û tekezî li ser giringiya şopandina guhertinên heyî bi awayekî ku di xizmeta berjewendiyên netewî û doza Kurdî de be.
Her wiha amaje bi gotûbêjkirina hilbijartinên parlemanî li parêzgeha Hesekê kir û rola Encûmenê di vî warî de bilind nirxand û ji bilî gotûbêjkirina mijara nirxê genim ji aliyê hikûmeta Sûriyê ve.
Ji aliyê xwe ve, serokê encûmenên xwecihî birêz Neşet Zaza di civînê de behsa mîkanîzma hilbijartina Encûmena Gel kir û balkişand li ser rewşa giştî ya ku herêm têre derbas dibe û tekezî li ser bihêzkirina karê sazî û hemahengiya hevbeş di navbera encûmenên xwecihî de ji bo rûbirûbûna kêşeyên heyî kir.
Di dawiya civînê de, amadebûyan tekezî li ser giringiya pabendbûna bi tevahî bi biryarên Encûmena Niştimanî ya Kurdî kirin, û karkirina bi giyanê berpirsiyarî û hevkariyê bi awayekî ku bibe alîkar ji bo bihêzkirina yekrêziyê û xizmetkirina xelkê deverê.
Ragihandina ENKSê
Raport:Elî Fetah
