NAVEROKA CIVÎNA GERÎNGEHA ROJHILAT YA ENCÛMENÊN XWECIHÎ YÊN BI SER ENKSÊ VE.
Gerîngeha Rojhilat ya encûmenên xwecihî yên bi ser ENKSê ve, civîna xwe ya asayî di roja Duşemê 18/5/2026an de,li bajarê Qamişlo li darxistin .
Herwiha bi amadebûna Serokê ofîsa Karûbarên Encumenên xwecihî birêz Neşet Zaza û endamên Nivîsgeha Karûbarên Encûmenên Xwecihî, û amadebûna serokên encûmenên xwecihî yên gerîngeha rojhilat.
Di destpêkê de bixêrhatina amadebûyan hate kirin û ji bo giyanê pakê şehîdên Kurdistanê bi serdestiya nemir (Mele Mistefa Barzanî) deqîqeyek rêz hate girtin.
Paşê raporên ku ji encûmenên xwecihî hatin wergirtin ji aliyê serokên encûmenên xwecihî ve hatin xwendin û gotûbêj kirin.
Rewşa rêxistinî ya Encûmenên xwecihî yên li gerîngeha rojhilat hate nirxandin, ku li ser mekanîzmaya xebata her Encûmenekê hate nirxandin, performansa di dema borî de hate nirxandin, her wiha behsa astengiyên û rêbazên pêşvebirina xebata saziyan hate kirin.
Di warê siyasî de, birêz Neşet Zaza bi hûrgilî li ser pêşhatên siyasî yên dawî li Sûriyê, encamên rewş û guhertinên li ser erdê rû didin, û bertekên wan li ser qada siyasî ya giştî, şirove kirin.
Di heman çarçoveyê de serokê encûmenên xwecihî di civînê de, li ser mekanîzmaya hilbijartinên Encûmena Gel û rewşa giştî ya herêmê axivî.
Di dawiya civînê de, amadebûyan tekezî li ser pabendbûna bi hemû biryarên Encûmenê kirin.
Ragihandina ENKSê
Raport:Elî Fetah