NÛNERTIYA “ENKS” YA HERÊMA KURDISTANÊ OFÎSA NÛ YA RÊVEBERÎ HILBIJART.
Îro sêşemê 7.4.2026 an, nûneratiya Herêma Kurdistanê ya Encûmena Niştimanî ya Kurd li Sûriyê li baregeha xwe ya li Hewlêra paytext civîneke rêkxistinî ji bo hilbijartina serok û ofîsa nû ya îdarî ji bo nûneratiyê, bi amadebûna hemû endamên xwe li dar xist.
Civînê bi deqeyek rêzgirtin ji canê pakê şehîdên gelê Kurd, Kurdistanê û şehîdên şoreşa Sûriyê bi serpereştiya bavê rûhanî yê neteweya Kurd Mele Mistefa Barzanî û şehîd Îdrîs Barzanî dest pê kir.
Di civînê de atmosfereke demokratîk derbas bû, ji ber ku li gorî rêziknameya rêxistinî ya Encûmenê namzetên endamtiya buroya îdarî hatin vekirin û di encama dengdanê de ev tişt hatin avakirin:
– Birêz Şemis Şerîf: Serokê nûneratiyê (ji bo şeş mehan).
– Birêz Ehmed Temer: Cîgirê Serokê Nûnertiyê.
– Birêz Hesen Hesen: Sekreterê.
Di dawiya civînê de serokê hilbijartî yê nûneratiyê birêz Şemis Şerîf axaftinek pêşkêş kir û tê de spasî û pêzanînên xwe pêşkêşî endamên nûneratiyê kir ji bo baweriya ku bi wî anîne. Şerîf tekezî li ser giringiya qonaxa niha kir û ku rewşên hestiyar ên ku herêm têre derbas dibe, pêwîst dike ku em bi ruhekî yek tîm kar bikin û bizavên hevbeş zêdetir bikin ji bo misogerkirina serkeftina karên nûneratiyê û pêkanîna daxwazên gelê me û armancên Encûmena Niştimanî ya Kurd li Sûriyê.
Ragihandina ENKSê
Rapor:Elî Fetah
