Hesekê… Dezgeha Xêrxwazî ya Barzanî alîkariyên mirovî li ser koçberên kampa Serê Kaniyê belav kirin.
Diho roja yekşemê 15ê Adarê, li bajar û bajarokên Kurdistana Sûriyê lehî rabûn ji ber barîna zêde ya Baranê, herwiha di vê derbarê de kampa koçberên (Serê Kaniyê) ya li Rojhilatî Hesekê û kampa( WaşûKanî) ya li Rojavayê Hesekê , rastî ziyanan hat û av derbasî nava 400 konî bû li kampê.
Tîmên Dezgeha Xêrxwaziya Barzanî bi hewara wan ve çûn û alîkariyên bilez ji pêdewistiyên gerek yên ji parsêlên xwarinê û kelûpel û xwerina germ li ser niştecihên Kampa ( Serê Kaniyê) li parêzgeha Hesekê yên ku ji lehiyê bandor bûne belav kirin, ji bo êş û barê koçberên di kampê de dimînin sivik bike û pêdeviyên bingehîn ji bo malbatên ku di rewşên dijwar de dijîn peyda bike.
Tê zanîn ku rojana Dezgeha Xêrxwaziya Barzanî ( BCF), di belavkirina alîkariyan li ser derbider û malbatan li gund û bajar û bajarokên Rojavayê Kurdistanê de berdewamin ..
Hêjaya were gotin ku roja çarşemê 21 ê Çileya 2026an, Dezgeha Xêrxwaziya Barzanî berê xwe da Rojavayê Kurdistanê û bi hewara birayên xwe yên derbider ve hatin ji bo alîkariyên mirovî pêşkêşî wan bikin , ku ( BCF) ,yekem dezgeha Kurdî bû ku derbasî nava xaka Qamişlo bû û milet bi moralên bilind û bilindkirina alaya Kurdistanê pêşwaziya wan kirin..
Û herwiha (BCF), roja Şemiyê 14 ê, Adara 2026an, roja ji dayîkbûna bavê netewa miletê Kurd Mela Mistefa Barzanî de, bi fermî ofîsa li bajarê Qamişlo vekir.
Ragihandina ENKSê
Hêvî Delî ….Qamişlo