ROJBÛNA BAVÊ NETWA KURD MELA MISTEFA BARZANÎ JI ALIYÊ HER DU XWECIHIYÊN HESEKÊ VE HAT VEJANDIN..
1903z……2026z
Îro Şemiyê, her du xwecihiyên bajarê Hesekê yên bi ser Encûmena Niştimanî ya Kurdî ve, bi amadebûna hejmarek ji çalakiyên partî û civakî, bi rêya gotareke rewşenbîrî û siyasî ji aliyê Mamoste Şerîf Elî ve li ofîsa Partiya Yekîtiya Demokrata Kurdistanî, 123 saliya ji dayikbûna bavê ruhanî yê neteweya Kurd Mele Mistefa Barzanî bibîr anîn.
Çalakî bi deqeyek rêzgirtinê ji bo canê pakê şehîdên Kurd û Kurdistanê û Barzaniyê Nemir û sirûda Ey Reqîb bê lêxistina sirûda dest pê kir.
Mamoste Şerîf Elî di dirêjahiya gotara xwe de bi xêrhatina amadebûyan kir û behsa destpêka pêkhatina kesayetiya Barzanî di derdora olî û eşîrî de li gundê Barzan li Kurdistana Iraqê kir û balkişand li ser wê yekê ku ezmûna zindanîbûna wî di temenê biçûk de yek ji rawestgehên bibandor bû di pêkhatina hişmendiya neteweyî ya wî de.
Her wiha behsa qonaxên siyasî û têkoşînê yên ku tê de derbas bûne û beşdarbûna wî di avakirina Komara Mehabadê de li kêleka rêber Qadî Mihemed, û rola wî di veguheztina têkoşîna Kurd ji bin bandora çarçoweya olî bo pejirandina ramana neteweyî ya neştimanî nirxand.
Mamoste Şerîf Elî,amaje bi dîtina Barzanî ya pêşxistina şoreşên Kurdistanê kir, bi xebata ji bo damezrandina saziyên leşkerî yên rêkxistî û veguhertina hêzên şoreşger ji komên belavbûyî bo hêzeke leşkerî ya birêkûpêk ku sînorên eşîrî û eşîrî derbas dike, ku ev yek jî bû sedema bihêzkirina têgeha têkoşîna birêxistinkirî di tevgera neteweyî ya Kurd de.
Di dawiya çalakiyê de ji bo mudaxele û pirsên ku nîqaş geştir kirin qada axaftinê hat vekirin û dersdêr jî bi awayekî vekirî bersiva wan da.
Helbestvan Yûnûs Hemê (Bavê Serbst) jî bi minasebeta helkeftê helbestek pêşkêş kir û koma folklorî ya kurdî Mîtan beşek ji dîlanên folklorîk pêşkêş kir û karekterek mîrata taybet li atmosfera salvegerê zêde kir.
Ragihandina ENKSê
Rapor: Elî Fetah
