XWECIHIYA DIRBÊSIYÊ CIVÎNA XWE YA ASAYÎ LI DAR XIST .
Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Şemiyê 21.2.2026an de, civîna xwe ya asayî lidarxist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Piştre jî Serokê Encûmenê li ser amadekarî û amadekariyên pêwîst ên beriya lidarxistina kongirê gotûbêj kir.
Herwiha tekezî li ser pêwîstiya beşdariya di çalakî û çalakiyên meha Adarê yên bê de kir, ku çalaka yekem di 1ê Adarê de, salvegera bîranîna bavê ruhanî yê neteweya Kurd Mela Mistefa Barzanî yê nemir e.
Di derbarê rewşa siyasî de, amadebûyan behsa pêşhatên dawî û rewşên siyasî li meydana Sûriyê bi giştî û li ser qada Kurdî bi taybetî kirin.
Di civînê de amadebûyan behsa hewlên cenabê serok Mesûd Barzanî bo parastina Kurdên Sûriyê di dema şerê di navbera artêşa Sûriyê û HSDê de kir û herwiha behsa serdana Encûmenê bo paytexta Şamê ya li ser vexwendina Serokê Hikûmeta Demkî Ehmed El-Şerih û hevdîtina ligel wî û serdana wan bo dewleta Qeterê jî kir.
Ragihandina ENKSê
Raport:Elî Fetah
