XWECIHIYA AMÛDÊ CIVÎNA XWE YA ASAYÎ LI DAR XISTIN .
Encûmena xwecihî ya bajarê Amûdê ya bi ser ENKSê ve, li navenda xwe roja Şemiyê 31/1/2026 an, civîna xwe ya asayî lidarxist.
Di destpêkê de,hemû endam hatin bixêrhatin û piştre xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hat wergirtin hate xwendin.
Endamên xwecihiyê naveroka raporê gotûbêj kirin û çend çavdêrî û pêşniyarên xwe bi mebesta bilindkirina performansa rêxistinî û aktîvkirina karê saziyan di qonaxa bê de pêşkêş kirin.
Di civînê de her wiha pêşwazî li rêkeftina di navbera hikûmeta Sûriyê û Hêzên Sûriya Demokratîk de hat kirin û ew yek gaveke girîng ji bo bihêzkirina aramiyê û piştgirîkirina aştiya sivîl li welat hate nirxandin.
Di civînê de amadebûyan rola erênî ya Herêma Kurdistanê, helwêstên netewî yên Serok Mesûd Barzanî û berdewamiya hewlên wî yên di warê siyasî de ji bo bidestxistina çareseriyên lihevhatî bi taybetî bi sponseriya civînên Hewlêrê bilind nirxand.
Di civînê de helwesta Kurdistanî ya bi berpirsyarî li hember Kurdên Sûriyê bilind nirxand û spasî û spasiya Dezgeha Xêrxwazî ya Barzanî kir ji bo alîkariyên mirovî yên ku pêşkêşî gelê me yê awareyên Sûriyê kir.
Ragihandina ENKSê
Raport:Elî Fetah
