DU ŞANDÊN SIYASÎ JI BO HEVGIRTINÊ SERDANA OFÎSA XWECIHIYA AMÛDÊ YA BI SER ENKS-Ê VE KIRIN.
Di pêngavekê de bi armanca ragihandina hevxemiyê û naskirina encamên bûyerên dawî, du şandên siyasî serdana ofîsa Encûmena Niştimanî ya Kurd li bajarê Amûdê kirin, ji bo nirxandina rewşa li ser erdê û tekezî li ser yekrêziya rewşê.
Şanda yekem ji serkirdeyên pilebilind ên Partiya Demokrat a Kurdistan – Sûriyê pêk dihat, ji wan Dr. Lazkîn Fexrî, endamê Mekteba Siyasî û mamoste Nafih Ebdelah, endamê Komîteya Navendî ya Partiyê. Di serdanê de şandê hevxemiya xwe ya tam nîşan da û tekezî li ser dilgiraniya xwe ya ji bo şopandina geşedanên ji nêzîk ve û li ser erdê kir.
Herwiha nivîsgehê pêşwaziya şandeke Rêxistina Amûdê ya Partiya Wekhevî ya Demokrat a Kurd li Sûriyê kir ku ji rêzdar Mihemed Seydo û Îbrahîm Ebû Cemîl pêk dihat. Şandeyê li ser rastiya karê Encûmenê piştî bûyerê agahdar kirin, di heman demê de tekezî li ser giringiya berdewamkirina riya aştiyane ya xebata siyasî û rêzgirtina li rola saziyên niştimanî kirin.
Ev serdan di çarçoveya hewla hêzên siyasî de ji bo bihêztir kirina peyvendî û hevahengiyê û tekezî li ser yekrêziya rêzên Kurd di rûbirûbûna kêşeyên heyî de hatin kirin.
Ragihandina ENKSê
Raport: Elî Fetah