ÎRANÊ CEZAYA DARVEKIRINÊ LI ÇALAKVANA KURD WERÎŞA MERADÎ BETAL KIR…
Dadgeha Bilind ya Îranê biryara îdamê di derheqa çalakvana kurd betal kir. Piştî ku parêzerê wê Mustefa Nîlî daxwaza redkirinê kir. Nîlî dîyar kir ku jiber kêmasiyên lêpirsînê û nepejirandina rêbazên hiqûqî, ew biryar hat betalkirin.
Çalakvana Kurd Werîşa Meradi di 1’ê Tebaxa 2023’an de li bajarê Sene/ Senendic ya Kurdistana Îranê hatibû girtin û ji bo girtîgeha Êvinê hatibû veguhestin.
Ew ji cîhana derve di beşa 209 de hate îzolekirin, beşa ku di bin kontrola Wezareta Îstixbarata Îranê de ye û tê de girtiyên siyasî tê de ne.
Her wiha di 10’ê Mijdara 2024’an de ji aliyê Dadwer Ebû El-Qasim Selewatî ve bi tohmeta “fuhûşê” û karkirina bi partiyên kurdî yên dijberê rejîma Îranê re, cezayê îdamê li ser wê hat derxistin.
Di dema girtina wê de, Meradî rastî îşkenceya derûnî û laşî hat, di hucreya takekesî de hat birîn û ji lênêrîna pizîşkî û yasayî bêpar mabû, ku ev yek bû sedem ku rêxistinên navdewletî û Îranî yên mafên mirovan, ji wan Rêxistina Efûya Navdewletî, daxwaza berdana wê ya bilez kirin.
Ragihandina ENKSê
Raport: Elî Fetah
