Bi boneya salvegera yekem a hilweşîna rêjîma Esed, ENKSê, ahingek li darxist.

Bi boneya salvegera yekem a hilweşîna rejîma Esed , Encûmena Niştimanî ya Kurd li Sûriyeyê roja Duşemê 8ê Berçileya 2025an li Hola Afrînê ya li Qamîşlo şahiyek li dar xist.

Ev yek bi amadebûna Serokê Encûmena Niştimanî ya Kurd, Birêz Mihemed Îsmaîl,û endamên Serokatiya Encûmenê, kesayetên ji partiyên siyasî yên Kurd, Yekîtiya Nivîskarên Kurd ên Sûriyeyê, rêxistinên jin û ciwanan, û endam û serokên encumenên herêmî ji herêmên cûda yên Rojava beşdarî çalakiyê bûn.

Birêz Mihemed Ebdî bi xêr hatina beşdaran kir û ew vexwend ku ji bo rêzgirtina li şehîdên azadiyê, şehîdên şoreşa Sûriyeyê, yên ku jiyana xwe ji bo hilweşîna rejîma zordar feda kirine, û ji bo bîranîna rêberê ruhanî, Mela Mistefa Barzanî, xuleke bêdengiyê rawestiyan.

Piştre çend gotin hatin kirin. gotina Emîndariya giştî ya ENK_Sê, Endamê emîndariya giştî , Birêz Ekrem Husên, ve hate xwendin.

Û Serokê Encûmena Niştimanî ya Kurd li Sûriya, Birêz Mihemed Îsmaîl, gotina encûmenê pêşkêş kir.

Herwiha di destpêkê de bi pîrozbahî li gelê Sûriyeyê bi giştî û bi taybetî li gelê Kurd kir, bi vê boneyê, û tekez kir ku ev roj dîrokî ye û destpêka serdemeke nû nîşan dide, êşa hemû pêkhateyên gelê Sûriyeyê bi dawî dike, yên ku hemûyan hemû hêza xwe ji bo azadiya xwe dane, û kêfxweşiya gelê Sûriyeyê di vê rojê de bi dawîbûna rejîmê temam nabe, lê belê bi avakirina Sûriyeyeke nû, demokratîk û nenavendî.