AMERÎKA PLAN DIKE KU LÎSTEYA WELATÊN KU DI NAV QEDEXEYA RÊWÎTIYÊ DE HENE BERFIREH BIKE.
Wezîra Ewlekariya Navxweyî ya Amerîka ragihand ku rêvebirîya Serok Trump plan dike ku lîsteya welatên ku qedexeya rêwîtîyê li ser wan heye ji 19 welatan berfireh bike bo pirtir ji 30 welatan, di pêngaveke ku di çarçoveya kampanyaya rêvebiriyê ya berfireh ya ser koçberan de ye.
Wezîra Ewlehiya Navxweyî ya Amerîkayê Kirîstî Niyom di hevpeyvînekê de ligel Fox Niyozê got: “Ez hejmara rast diyar nakim, lê ji 30î zêdetir e û serok berdewam li ser nirxandina welatan e.”
Daxuyanî piştî du rojan hat ku rêveberiya Trump serlêdanên koçberiyê ji bo hemwelatiyên 19 welatan rawestand, di nav wan de Afganîstan, Yemen, Haytî, Venziwêla, Sûdan û Somal, û dayîna rûniştina daîmî (karta kesk) û hemwelatîbûnê rawestand.
Di pêngaveke pêwendîdar de, rêveberiyê biryar da ku dema derbasbûna destûrên kar ji bo penaber, penaxwaz û koçberên din ji pênc salan bo 18 mehan kêm bike.
Rêveberê Ajansa Xizmetên Hemwelatîbûn û Koçberiyê ya DYAyê Josîf Idlo da zanîn ku ev biryar piştî êrîşa zilamekî Afganî ya li ser du endamên nobedariya neteweyî li Waşinton D.C. di 26ê Çiriya Paşiyê de hat.
Zilamê Afganî piştî vekişîna leşkerî ya Amerîkî ji Afganîstanê di sala 2021-an de, wekî beşek ji bernameya niştecîhbûnê derbasî Dewletên Yekbûyî bû.
Ragihandina ENKSê
Raport: Elî Fetah
