Encûmenên Xwecihiyên Rojavayî Qamişlo civîna xwe ya asayî li darxistin.
Bi amadebûna M,Neşat Zaza, Serokê Nivîsgeha Karûbarên Encûmenên Herêmî, û M, Mehmûd Hac Elî, û serokên encumenên herêmî yên rojavayî Qamişlo yên Encûmena Niştimanî ya Kurd li Sûriyeyê civîna xwe ya asayî, roja sêşemê, 4ê mijdara 2025an li bajarê Qamîşloyê li dar xistin.
Di destpêkê de xuleke bêdeng li ser giyanê pakrewanên Kurd û kurdistanê û serwerê wan Barzaniyê nemir rawestiyan.
Û piştra raporên ji encûmenên herêmî hatine xwendin û gotûbêjkirin.
Û herwiha Di civînê de axaftina xwe de, M, Neşat Zaza girîngiya aktîvkirina rola encumenên herêmî û xurtkirina hebûna wan di civakê de tekez kir, Wî bal kişand ser girîngiya ragihandina berdewam di navbera beşên cûda yên civaka Kurd de.
Û derbarî Rewşa Siyasî de, Beşdaran li ser pêşketinên dawî yên siyasî yên li ser qada Sûrî û bi taybetî ser qada Kurdî gotûbêjkirin.
Her wiha wan tekez kir ku pêwîst e encamên konferansa 26ê Nîsanê werin şopandin, û ew wekî nexşerêyek ji bo çalakiya siyasî ya hevbeş a Kurd di qonaxa pêş de hatin hesibandin.
M, Zaza destnîşan kir ku konferansa Encûmena Niştîmanîya Kurd dê di zûtirîn dem de, berî dawiya vê salê, were lidarxistin.
Di dawiya civînê de, beşdaran girîngiya xurtkirina têkiliyên di navbera Encûmena Niştîmaniya Kurd û Hikûmeta Demkî ya Sûriyeyê de, bi awayekî ku xizmeta doza Kurd bike û mafên gelê Kurd di Sûriyeya pêşerojê de, di çarçoveya destûrek dadperwer û demokratîk de ku mafên hemî pêkhateyên welêt nas dike, tekez kirin.
Ragihandina ENKSê
Qamişlo
