NAVEROKA CIVÎNA GRÎNENDEYA ROJAVA Û ROJHILAT YÊN ENCÛMENÊN XWECIHÎ YÊN BI SER ENKSÊ VE.
Gerîngeha Rojava û Rojhilat ya encûmenên xwecihî yên bi ser ENKSê ve, civîna xwe ya asayî di roja pênşemê 31/7/2025an de,li bajarê Qamişlo li darxistin .
Herwiha bi amadebûna Serokê ofîsa Karûbarên Encumenên xwecihî birêz Neşet Zaza û endamên Nivîsgeha Karûbarên Encûmenên Xwecihî, û amadebûna serokên encûmenên xwecihî.
Di destpêkê de bixêrhatina amadebûyan hate kirin û ji bo giyanê pakê şehîdên Kurdistanê bi serdestiya nemir (Mele Mistefa Barzanî) deqîqeyek rêz hate girtin.
Piştre civatê mijarên rêxistinî yên girêdayî xebatên Encûmenên xwecihî yên di dema borî de nîqaş kirin û mekanîzmaya xebatê ji aliyê rêveberiyê û rêxistinî ve nirxandin.
Li ser gelek mijarên rêxistinî yên girêdayî pêdiviyên hemwelatîyan û rêyên pêşxistina karûbarên xizmeta berjewendîyên giştî, bi taybetî li hemberî astengiyên ku niha li herêmê rû bi rû ne,beşdaran gotûbêj kirin.
Di warê siyasî de, mamoste Neşet Zaza pêşkêşek berfireh li ser nûtirîn pêşketinên siyasî li qada Sûriyê pêşkêş kir, û tekez li ser şopandina bi baldarî ya Encûmena Niştimanî ya Kurd a van pêşketinan kir, bi taybetî jî derbarê bûyerên ku li parêzgeha Suweyda diqewimin.
Her wiha behsa paşxistina serdana şandeya Kurd ji bo Şamê kir û diyar kir ku sedema paşxistina serdanê ji ber sedemên siyasî ye û pêwîstiya wê bi amadekarî û kordînasyoneke zêdetir heye.
Ragihandina ENKSê
Raport:Elî Fetah
